APOSTATA, Qui a vera, seu Christiana religione deficit, Ἀποστάτης. Prævaricator, S. Ambrosio in Epist. ad Theodosium Imp. ubi de Juliano Apostata. Jo. de Janua :

Apostata, Perversus, Renuntiatus, Refuga, Retromissus.

Avitus Viennensis Epist. 4 :

Quasi jam Apostatas, id est, ab standi firmitate deciduos, necesse est a Communione suspendi.

Decretum Nicolai II. PP. in Synodo Romana ann. 1059. editum :

De his autem Clericis qui tonsuram projiciunt, et a Clericatu recedunt, quos Apostatas Julianistas jure vocitamus, ut nisi ad professionem Clericatus redierint, omni Christiana communione priventur.

Vide titulum Codic. de Apostatis lib. 1.