« »
 
AUDITOR 1, AUDITOR 4, AUDITOR 6, AUDITOR 7.
[]« 1 auditor » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 470b. http://ducange.enc.sorbonne.fr/AUDITOR1
1. AUDITOR, Judex : audire enim judex, Præfectus urbi, Præses dicitur, qui cognoscit, judicat, in leg. 6. D. de Dote leg. l. 12. D. de Instrum. Auditor vice sacra, l. 3. C. Ubi Senat.
© École des chartes.
[]« 4 auditor » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 470c. http://ducange.enc.sorbonne.fr/AUDITOR2
4. AUDITOR, Qui instrumenti confectioni, aut chartæ lectioni testis adest. Charta Almodis Comitissæ Marchiæ, in Tabulario Hospital. Montismorilionis in Pictonibus :
Hoc donum concesserunt filii ejus... Auditores hujus concessionis sunt Petrus, etc.
Charta Theobaldi Chabot eodem Tabul. :
Quando Comitissa et Boso hoc concesserunt, Audivit Aubertus de Choec ; et quando concessit Adelbertus Comes, Audivit Willelmus Bernart.
Alia apud Hier. Blancam in Comment. Rer. Aragon. pag. 791 :
Testes sunt hujus rei visores et Auditores, etc.
Alia apud Doubletum pag. 492 :
Hoc viderunt et Audierunt isti, etc.
Auditor Romani Imperii, apud Petrum Diac. lib. 4. Chron. Casin. cap. 68.
Auditor in Curia Papæ vocatur,
qui vice judicis alicujus causam vel causas audit
. Breviloq.
Auditor Cameræ Papæ,
qui audit negotia super thesauro Papæ, et super his, quæ ad Cameram Papæ pertinent
, in eodem Breviloquo.
Auditor Contradictoriarum,
in Curia Papæ, qui audit impetrantes rescripta ad lites, vel aliter ad jus commune pertinentes gratias
. Ita idem Breviloq. Vide Ceremoniale Rom. lib. 3. pag. 318. 319. 322. 327. Octavianum Vestrium de Romanæ aulæ judiciis lib. 1. pag. 8. lib. 2. pag. 15. et 26. ubi plura de Auditoribus Curiæ Romanæ.
les Bénédictins de St. Maur, 1733–1736.
Auditor Rotæ, Judex in Curia Romana, Gall. Auditeur de Rote. Est autem Rota Tribunal ex duodecim insignioribus Prælatis, 3. scilicet Romanis, 1. Tusco, 1. Mediolanensi, 1. Bononiensi, 1. Ferrariensi, 1. Veneto, 1. Germano. 1. Gallo et 2. Hispanis compositum. Quisque eorum quatuor habet Notarios. De singulis ditionis Ecclesiæ Romanæ causis sive beneficialibus sive civilibus cognoscunt, si ad eos per appellationem deferantur, atque etiam ante appellationem de iis, quæ summam excedunt 500. nummorum. Altero nomine dicuntur Capellani Papæ, quod iis sacri Palatii judicibus successerint, qui jus dicebant in Capella Pontificia. Alexander VII. vestes et cingulum in pileo coloris violacei concessit, eosque Subdiaconos Apostolicos declaravit. Auditores rotæ appellari censent plerique, quod alternis vicibus quasi rotatim suo fungantur munere, vel quod præcipua Christiani orbis negotia apud illos versentur et agitentur. A Rota Porphyretica dictos putat Cangius noster. Vide in Rota.
les Bénédictins de St. Maur, 1733–1736.
Auditor Sacri Palatii, apud Ludewig. Reliq. MSS. tom. 6. pag. 126. in Diario belli Hussitici.
© École des chartes.
[]« 6 auditor » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 471a. http://ducange.enc.sorbonne.fr/AUDITOR3
6. AUDITOR, apud Manichæos, secundus fuit gradus ejusmodi hæreticorum : cum primus Electorum esset. Atque ii, inquit S. Augustinus Epist. 74.
carnibus vescuntur, et agros colunt, et si voluerint, uxores habent : quorum nihil faciunt, qui vocantur Electi.
Vide eumdem lib. 2. de Morib. Manichæor. cap. 18. lib. de Hæresib. cap. 46. lib. contra Fortunat. lib. 20. contra Faustum Manich. lib. de Utilit. credendi cap. 1. etc. De ejusmodi Manichæis videtur intelligendus Evervinus Steinfeldensis de Hæreticis sui temporis :
Prius enim per manus impositionem de numero eorum, quos Auditores vocant, recipiunt eos inter credentes, et sic licebit interesse orationibus eorum.
© École des chartes.
[]« 7 auditor » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 471a. http://ducange.enc.sorbonne.fr/AUDITOR4
7. AUDITOR, Qui de delictis anquirit, et ut ea reprimantur vel puniantur, promovet, Gall. Promoteur. Arest. ann. 1309. in Reg. parlam. Paris. Olim :
Item petebant (episcopus et capitulum) emolumentum sigillorum judicis, nec non generalis Auditoris episcopatus Claromontensis, qui sola spirituali jurisdictione in montanis utebantur.
P. Carpentier, 1766.
Auditor Castelleti, Judex inferior, vulgo Juge-Auditeurau Châtellet. Lit. Ludov. X. ann. 1315. in Lib. rub. Cam. Comput. Paris. fol. 525. v° :
Cum Benedictus de sancto Gervasio propter nonnullos excessus, prætextu officii Auditoris castelleti Parisiensis quod gesserat, ab ipso factos, etc.
P. Carpentier, 1766.
Auditor Contradictorum, Idem qui Auditor Contradictoriarum. Vide in Auditor 4. Chartul. Campan. fol. 43. r° :
Johannes de Cameranen. domni Papæ (Innocentii IV.) capellanus et ejusdem Contradictorum Auditor, salutem in Domino.
© École des chartes.