«
Barbarini » (par C.
du Cange, 1678), dans
du Cange,
et al.,
Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 570a.
http://ducange.enc.sorbonne.fr/BARBARINI
BARBARINI,
Barbari, Nummi a Vicecomitibus Lemovicensibus cusi. Chronicon S.
Martialis Lemovicensis :
Ann. 1211. Hugo li Bruns Comes Marchiæ fecit novos
Marchiones fieri : eodem anno Guido Vicecomes Lemovicensis novos Barbarinos fecit apud
Axiam.
Chron. S. Stephani Lemovicens. ann. 1263 :
Burgenses castri
Lemovicensis fecerunt pactum cum Margareta filia Ducis Burgundiæ relicta Vicecomitis
Lemovicensis, ut moneta quæ vocatur Lemona, (al. Lemocia)
ubi erat
nomen Vicecomitis, omnino cassaretur licet esset legalis.
Litteræ Eustorgii
Episcopi Lemovic. ann. 1127. in Tabul. S. Steph. Lemovic. :
Dijudicaverunt, quod
Episcopus Bosoni 40. sol. monetæ Barbarinorum dedisset.
Tabularium
Montismorilionis in Pictonibus fol. 81 :
Donarunt pauperibus Domus Dei totum quod
habebant in nemore et in terra feodi, cum 2. solidis Barbarinis reddendis in Natali
Domini, etc.
et fol. 100 :
Octo denarios Barbarinos.
Chartularium S. Illidii Claromont. tom. 2. fol. 56.
verso Charta
iv. ann. 1207 :
Lego et dono... monasterio S. Illidii
vii. solidos de Barbaris, etc.
Tabularium
Dalonensis Abbatiæ in Lemovicibus, fol. 32 :
Retentis nobis quinque solidis de
Barbaris, vel monetæ ejusdem pretii.
Ita fol. 70. et alibi passim.
Solidi et
denarii Barbarini habentur fol. 40. 51. 102. 112. 113. Goffrid. Abbas Vindoc. lib.
1. Ep. 21 :
Caroffensem Abbatem non regulariter electum, sed violenter, ut dicitur,
intrusum, pro mille solidis Barbarinorum, Barbarica nimis auctoritate consecrari...
fecistis.
Ubi loci nescio an bene viri eruditi, Sirmondus et Altaserra,
Barbarinos, pro Arabicis et Barbaris interpretati sint, ut qui post stabilitum in
Hispania Saracenorum imperium, rerum potiente altera Regum nostrorum familia, ex commercio
ad nos fluxerint, (licet
Barbarinos Saracenos Africanos appellet non semel Anonymus
de Miracul. S. Fidis cap. 13.) ; nam hac appellatione a Vicecomitibus Lemovicensibus, ut
Marchenses a Comitibus Marchiæ cusos satis docemur ex Chronicis supra citatis,
tametsi nominis ratio mihi hactenus incomperta sit.
P. Carpentier, 1766.
◊ Nominis rationem prodit,
ni fallor, Charta Stephani de Magnaco ann. 1106. ex Tabul. Novi-monast. Pictav. :
Donant mihi abbas et monachi super hac re supradicti loci, charitatis causa, pro
hoc beneficio, et pro aliis a me semper impendendis, mille solidos Lemovicensis Barbatæ
monetæ.
Quæ moneta
Barbillé appellatur, in Lit. remiss. ann. 1410. ex
Reg. 164. Chartoph. reg. ch. 276 :
Vint pieces de gros Tournois et de Barbillez.
A mustellis Ponticis, quæ utcumque barbam referunt, in moneta vicecomitum
Lemovicensium expressis, ut videre est inter Monetas Baronum, ita forte est nuncupata.
Vide Raynouardi Glossar. Rom. vol.
1. pag. 185. num. 10.