CELER, Veredarius, nostris Poste. Isid. l. 10. sect. 51. Orig. :

Celer, appellatus a celeritate, quia quod usus exigit, velocius facit.

Eckehardus Junior de Casib. S. Galli cap. 1 :

Qui factum panderet Celer præmittitur.

Ibidem :

Currunt illico Celeres, qui Berthæ dicerent.

Cap. 10 :

Utinam post illum Celeres, qui equum illum nobilem mihi reducant, mittere velles.

Cap. 4 :

Mittit Imperator Celerem quemdam.

Julianus Episcopus Toletan. in Chron. :

Dum de iis, quæ in Galliis gerebantur, nuncium Celerem recepisset. Agiles viri,

in Vita S. Amandi scripta per Baudemundum cap. 6. n. 23. Paulinus Ep. 24 :

Ut cursorem Dominicum Cardamatem signatis in lege divina antiquorum velocium laudemus exemplis.