1. CERCARE, Vallare, in modum circuli circumdare, obsidione cingere, Hisp. Cercar. Charta Veremundi Regis æræ 1070. ex Tabul. Lucensis Ecclesiæ apud Bivarium :

Et Cercavit ipsam Pennam, et presit eam per fortia, et cremavit et desolavit ea.

Charta D. Garciæ Ramirez Regis ex Archivo Monasterii de Leyra :

Factum era 1182. in die quando habebat Rex Cercata Erga,

id est, juxta Jos. de Moret in Antiquit. Navar. pag. 44 :

Et anno, que se cerco Erga, y que se cogio Erga,

seu Ergaria alias Ygnalada. Chronicon Parmense ad ann. 1295 :

Dominus Potestas sonari fecit campanellam de cavalcare, et volens ire ad dictum Monasterium S. Johannis ad Cercandum et vindictam sumendum de prædictis excessibus, convocavit duo millia de populo.

Vide Circa, Circare.

2. CERCARE, Cerchare, Quærere, inquirere, vox Italica, nostris Chercher. Stat. Placent. lib. 6. fol. 74. v° :

Nullus impediat officium judicis gabellæ salis seu nunciorum ejus, sive in Cercando salem prohibitum, sive quovis modo.

Stat. Astens. cap. 5. ubi de Intrat. portar. :

Quod omnes mercatores.... portantes bonetas seu maletas super equis, vel alio modo,.... teneantur dictas bonetas sive maletas aperire, et in ipsis permittere Cerchare, ne quid portetur in ipsis ex quo debeat solvi pedagium. Cherquijer,

eadem notione, apud Guignevil. in Peregr. hum. gen. Ms. :

Nus ne devés faire passer,

Se son fardel ne veut monstrer ;

Les pekeurs devés Cherquijer

Et faire leurs fais desquerquier.

Cierquier, pro Chercher, Quærere. Ms. :

La fin de cest livre Cierquiés,

Se vous les nous trouver cuidiés

Des dames dont m'oés parler.

Vide infra Encercare.