2. DETERMINARE, Aliquem in album doctorum vel magistrorum, qui studiorum terminus est, referre, adscribere ; qui recipiendi ritus una cum thesi tunc disputanda Determinatio appellatur, et Determinator, qui receptioni præsidebat et qui recipiebatur. Stat. colleg. Navar. ann. 1315. in Lib. rub. Cam. Comput. Paris. fol. 517. r°.

Nullus habitum deferat, nisi tabaldum seu houssiam longam de bruneta antequam Determinaverit, et illi qui Determinaverint, capam habeant de perso

. Stat. universit. Tolos. ann. 1366. ex Cod. reg. 4222. fol. 84. v° :

Determinationes vero magistrorum fiant de mane, et tunc vacet tota facultas theologiæ. Quibus resumptis et Determinationibus omnes theologi, tam bacallarii quam studentes, debeant interesse. Quæstiones vero et argumenta ad invicem magistri Determinantes communicent, ut eas dixerint et in forma.

Stat. S. Flori Mss. fol. 48. v° :

Decimus nonus (casus) est contra facientes commentum, scripturas seu libellos ex certa scientia et deliberate Determinantes in scolis seu prædicantes contra ea, quæ in constitutione continentur prædicta.

Stat. colleg. mag. Gervasii cap. 10. ex Cod. reg. 4354. A. fol. 28. v° :

Volo quod artistæ pro Determinationibus eorum, vel licentiis, vel principiis adducant ad domum turbam sociorum, etc.

Stat. universit. Andegav. ann. 1410. tom. 9. Ordinat. reg. Franc. pag. 500. art. 15 :

Quod rector tenebitur a majori parte nacionum in congregatione generali et in collegio Determinationem prædictam semper concludere.

Vita S. Yvon. tom. 4. Maii pag. 586. col. 1 :

Unde factum est, ut in artium liberalium eruditione super multos coætaneos spatio breviore proficeret, et tandem in iisdem ex discipulo et auditore magister et Determinator fieret. Déterminer,

pro Terminare, vulgo Terminer, finir, in Lit. remiss. ann. 1414. ex Reg. 168. Chartoph. reg. ch. 20 :

Desqueles navreures icellui Jehan Détermina assez tost après vie par mort.