EXTENDERE, Glossarium mediae et infimae latinitatis, Du Cange et al.

« Extendere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 379b. http://ducange.enc.sorbonne.fr/EXTENDERE

EXTENDERE, Æstimare, appretiare : vox fori Anglici, quæ occurrit passim apud Bractonum, Fletam et Anglicos Practicos. Britton. pag. 138. v :

Par mesmes les Jourours soient les terres Estendues à la very valuë.

Extenta, Æstimatio, ex Anglico Extend, Æstimo. Monasticum Anglic. tom. 1. pag. 548 :

Hæc est Extenta terrarum... de terris et tenementis Prioris de Derhurste,... quantum valeant instaurare, et quantum deinstaurare, etc.

Tom. 2. pag. 321 :

Et quia onera prædicta et reprisæ eorumdem tenementorum... in multo excedunt valorem eorumdem per æstimationem et Extentam per probos et legales viros... factam, etc.

Pro Extenta et valore Comitatus Richemundiæ

, apud Lobinellum tom. 2. Hist. Britan. col. 394.

Extenta jurium Comitis Sabaudiæ apud Costam sancti Andreæ et Boczosellum

, in Hist. Dalphin. tom. 1. pag. 85. Vide Fletam lib. 2. cap. 71. § 2. Skenæum lib. de Verbor. significat. v. Extent. Occurrit eadem vox apud Thomam Madox Formul. Anglic. pag. 122. Rymerum tom. 2. pag. 728. etc.

Extensor, Æstimator publicus, cujus munus est res hæreditarias inter comparticipes æstimare et partiri. Bracton. lib. 2. cap. 34. § 1 :

Officium Extensorum est, in rebus hæreditariis extendendis et appretiandis, quod in primis videant, quid et quantum sit in dominico in quolibet manerio, scilicet quot acræ terræ arabilis, vel quot virgatæ, et quantum valeat acra vel virgata per annum,... et in summa omnia, quæ sunt de corpore manerii, et de quibus commodum posset evenire.

Adde Fletam lib. 5. cap. 9. § 5. 8. 9. 12.

les Bénédictins de St. Maur, 1733–1736.

Extendere Se.

Exercitus se Extendit ad 150000. armatorum

, hoc est, Complectitur 150000. armatos apud Ludewig. tom. 6. pag. 167.

P. Carpentier, 1766.

◊ Estendellier, pro Etendre, in Mirac. MSS. B. M. V. lib. 1 :

Ensevelir ja le voloient

Et mettre en biere, quant le voient

Remuer et Estendellier.

Ejusdem originis vox Estendelle, Linteum, quod super mensam extenditur seu expanditur. Lib. rub. fol. parvo domus publ. Abbavil. fol. 162. v°. ad ann. 1391 :

Huit nappes de hostel, un autre Estendelle de fin linge, etc.