![[]](http://media.enc.sorbonne.fr/ducange/jpg/F/496a.jpg)
« Filiæ » (par C. , 1678), dans , et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 496a. http://ducange.enc.sorbonne.fr/FILIAEFILIÆ, dicuntur Monasteria, quæ ab aliis, majoribus, peculiari quadam familiaritate
dependent. Charta Willelmi Episcopi Lingonensis ann. 1215. ex Tab. ejusdem Ecclesiæ, de
forma vivendi fratrum Vallis Scholarium :
Et si forte in Ecclesia Vallis Scholarium fuerit aliquid emendandum, vel corrigendum in Capitulo, vel Priorem eligendo, vel deponendo, tres Filiæ primævæ liberam habeant potestatem in matrem, visitando, corrigendo Priorem etiam, si causa evidens extiterit, deponendo, et alium substi tuendo.Gesta Innocentii III. PP. pag. 137 :
Scripsitque Abbati et Conventui Pontiniacensis Cœnobii, ut ipsam Ecclesiam S. Martini reciperent in Filiam specialem, et ad ipsam dirigerent Abbatem et Conventum de Monachis et Conversis, quod ipsi libenti animo perfecerunt.Charta Friderici Imperat. ann. 1162. inter Instrum. tom. 4. novæ Gall. Christ. col. 19 :
Quoniam prædicta Ecclesia Lustriacensis cum suis appenditiisque in Lausannensi Episcopatu sita est, et cum iis Prioratibus videlicet Talveriensi Prioratu cum suis appendiciis ex Ecclesia S. Jonii, et Ecclesia Burdegalensi et appendiciis earum ad Saviniacense Monasterium tanquam Filiæ spectant.Quatuor sunt celebres Abbatiæ Cistercii Filiæ, Claravallis, Firmitas ad Gronam, Pontiniacum et Morimundus, totidemque sunt Parisiis Ecclesiæ Collegiatæ, quæ Cathedralis Ecclesiæ Filiæ nuncupantur.
P. , 1766.
◊ Claravallis inter
filias Cistercii tertio ordine reponenda est. Sed neque ecclesiæ Parisiensi id
peculiare censendum, ut quatuor habeat ecclesias collegiatas, quæ Filiæ
nuncupentur : idem quippe Autissiodori alibique obtinet usus. Hinc prioratus
Fillete appellatur, in Lit. remiss. ann. 1392. ex Reg. 144. Chartoph. reg. ch.
184 : Pasquier le Court, religieux de l'abbaye de la Coulture près le Mans, demourant en une Fillette ou prioré de laditte abbaye, appellée la Marcete du bois, près du chastel la Suze.
