MARESCALCUS, Glossarium mediae et infimae latinitatis, Du Cange et al.

MARESCALCUS, Marscalcus, etc. Equiso, Curator vel Præfectus equorum, ex Germ. march, vel marach, equus, et schalch, potens, magister, ut est apud Rhenan. lib. 2. Rer. Germ. vel famulus, minister, ut apud Cluver. in Germania antiq. lib. 1. cap. 8. Anonymus de Nominibus Germanorum :

Marschalcus nullum nomen fœdius est corruptum per Italos, vel Scriptores. Est enim id, quod Mehier, seu major, et Stalher, qui est Magister equitum, ab equitatibus gubernandis ; et dicendum ac scribendum fuit Merstalhere, id est, major, superior, summus Magister equitum, qui est hodie titulus Ducis Electoris Saxoniæ : ac si non fuisset vox ea corrupta, non esset opus nunc addere Archivelerz-marschalk ; sed Merstallerr, dedisset id, quod Erz vel Archi, cum significet summum Magistrum equitum.

Quasi vero Marschalci vox non ab ipsis Franciæ incunabulis nota esset. Lex Salica :

Si quis majorem, Infertorem, Scancionem, Mariscalcum, Stratorem,.... occiderit, etc.

Lex Alemann. tit. 79. § 4 :

Si Mariscalcus, qui super 12. caballos est, occiditur, 11. solid. componatur.

Πρωτοστράτορα vertit Nicetas in Balduino num. 1. Vide Glossar. med. Græcit. in Μαρισϰάλλος col. 879. Graff. Thesaur. Ling. Franc. tom. 1. col. 482. voce Marahscalh, et Murator. Antiq. Ital. tom. 1. col. 119.

P. Carpentier, 1766.

◊ Horum officium in aula Regia aliquando ex concessione regis ad filios transiit, ut docent Annales Victor. MSS. ad ann. 1214 :

Sepultus est (Henricus Do marescallus) in monasterio de Torpanaio, cui in Marescallia de mera benignitate regis Philippi successit fllius ejus Johannes impubes. Sed Galterus de Nemosio in Vastineto ejus vices gessit, quousque ad ætatem adultam pervenisset.

P. Carpentier, 1766.

◊ Suos Marescallos habuere etiam reginæ Francorum :

Guillermus Marescallus carissimæ consortis nostræ Johannæ reginæ Francorum,

in Charta Phil. Pulc. ann. 1304. ex Lib. rub. Cam. Comput. Paris. fol. 480. v°. col. 2.

Marascalcus, ex Marach, equus, de qua voce supra. Capitul. Caroli Cal. tit. 1. cap. 13 :

Quando Marascalcos suos ad fodrum dirigunt.

Vide mox, in Marescalcia.

les Bénédictins de St. Maur, 1733–1736.

Marchalchus, in Charta Frederici Landgravii Thuring. ann. 1335. apud Schannat. Vindem. litter. pag. 135 :

Testibus his, Petro dicto Portik Marchalcho nostro.

les Bénédictins de St. Maur, 1733–1736.

Marescalchus, in Annal. Mediolanens. apud Murator. tom. 16. col. 828.

les Bénédictins de St. Maur, 1733–1736.

Marescallus, in Legibus Palat. Jacobi II. Reg. Majoric. tom. 3. SS. Junii pag. xxiii :

Equorum cura non solum consistit in victualibus ministrandis, sed etiam in ferraturis eorum pedibus affigendis, ægritudinibusque curandis et minutionibus faciendis, quæ omnia solent per Marescallos expediri.

Et alibi passim.

les Bénédictins de St. Maur, 1733–1736.

Marescialus. Anecdota Murator. tom. 3. pag. 219 :

Antonius de l'Acqua in tam arcto atque extremo casu nec sui immemor, nec desertor fuit, inquiens : Maresciale, non hac intrabis urbem via.

les Bénédictins de St. Maur, 1733–1736.

Maresqualquus. Charta ann. 1220. tom. 1. Hist. Dalphin. pag. 93 :

Isti denarii dividuntur in sexdecim partes, de quibus D. Comes capit septem partes, et Maresqualquus novem partes.

les Bénédictins de St. Maur, 1733–1736.

Mariscalcus. Charta ann. 1077. tom. 2. Gall. Christ. inter Instrum. col. 351 :

Non aliquis propinquus, non dapifer, non præpositus, non Mariscalcus, non serviens, etc.

les Bénédictins de St. Maur, 1733–1736.

Marscallus, in Charta Henrici Rom. Reg. ann. 1233. inter Instr. Hist. Alsatiæ pag. 37 :

Feodum quod D. Fridericus Marscallus de Hagenowe a nobis in villa Benheim habere dignoscitur.

les Bénédictins de St. Maur, 1733–1736.

Marescalli, seu Equisonis officium fuse explicatur in Ordinatione domus Humberti II. Dalphini ann. 1340. quam consulas tom. 2. Hist. Dalphin. pag. 394.

Marscalcus, in Capitul. 2. ann. 813. cap. 10.

Marschalcus. Constitutio Caroli Crassi Imp. de Expeditione Romana § 6 :

Singuli vero Principes suos habeant Officionarios speciales, Marschalcum, Dapiferum, Pincernam, et Kamerarium, qui quatuor quanto plus in stipendio, in vestitu, in equitatu, præ cæteris sunt honorandi, scilicet et unicuique istorum decem libræ cum tribus equis tribuantur, quartus Marscalco addatur, quorum unum ad præcurrendum, alterum ad pugnandum, tertium ad spatiandum, quartum ad loricam portandum.

Adde Arnold. Lubec. lib. 3. cap. 9.

Marescalli postea dicti, qui exercitibus et copiis militaribus præerant, Ducibus interdum dignitate et imperio inferiores, ut qui Conestabulo suberant. Unde Budæus Marescallos esse apud nostros opinatus est, qui Græcis πολέμαρχοι dicti. Polemon pag. 3 :

Καὶ γὰρ στρατηγός ἐστιν, ὂς ϰαὶ τοῦ πολεμάρχου ϰαὶ μείζων ἐστί.

Matth. Paris ann. 1214 :

Rex autem Joannes constituerat Marescalcum illius exercitus Willelmum Comitem Sarisberiæ, cum militia Regni Anglorum.

Fridericus in Constit. Sicul. lib. 2. tit. 20 :

Quæ omnia per Marescalcum nostrum, vel per alium qui exercitui de mandato nostro pro tempore præerit, probari debebunt.

Chronic. Domin. de Gravina apud Murator. tom. 12. c. 569 :

Mandaverat autem Imperatrix ipsa sui exercitus Marescallo, quod, etc.

Hinc Præpositi guerrarum dicuntur in Ordinat. Caroli Locumtenentis Johannis Reg. Fr. ann. 1356. tom. 3. Ordinat. pag. 112 :

Mareschal de l'Host le Roi,

apud Littleton sect. 102. Willelm. Brito lib. 8. Philippid. :

Cujus erat primum gestare in prælia pilum,

Quippe Marescalli claro fulgebat honore.

Neque hic omittendum vocis, etsi insulsum etymon, quod habet Matth. Paris ann. 1245 :

Willellelmus, utpote bellicosus et strenuus, dictus Marescallus, quasi Martis Senescallus.

les Bénédictins de St. Maur, 1733–1736.

◊ Et quidem veteribus nostris Scriptoribus Senescallus et Marescallus idem sonabat. Hinc Philippus Mouskes :

Hue li grans ot ce non, cil

Si fu fais Seneschal de France

Aprés son pere, sans doutance.

Et alibi :

Hugues Capet ses fius aisnez,

Qui moult est vites et senez,

N'oncques n'ayma droit ne bien fés,

Pu Marescaux de France fés,

Pour garder la tierre comunes.

P. Carpentier, 1766.

◊ Marescalli dignitate privari interdum poterant, maxime cum certis officiis donabantur. Sic Bernardus dominus de Moreuil, Joannis ducis Normanniæ educationi præpositus, ea spoliatus est a rege ; quod tamen in illius gravamen nullatenus factum esse, declarat Philippus

Valesius. Idem quoque colligitur ex Petro de Craon, qui Marescallus Franciæ dicitur in Charta ann. 1382. et dehinc eo nomine nusquam appellatur. Vide Menag. in Hist. Sabol. pag. 267.

les Bénédictins de St. Maur, 1733–1736.

◊ Marescalli, qui apud nostros secundus a Comite stabuli, præcipua hæc fuit prærogativa, ut primæ scilicet exercitus fronti præesset : quæ tandem dignitas eo pervenit, ut a Regibus exinde cautum fuerit, ne hæreditario jure in eadem familia permaneret. Charta ann. 1223. apud Marten. tom. 1. Ampliss. Collect. col. 1175 :

Ego Johannes Marescallus D. Ludovici Regis illustris ; notum facio universis... me super sacrosancta jurasse ipsi D. Regi, quod non retinebo equos nec palefridos, nec roncinos, redditos ad opus meum ratione ministerii mei quod habeo de dono ipsius D. Regis. Nec ego, nec hæredes mei, reclamabimus Marescalliam jure hæreditario tenendam et habendam.

Duellis quoque præerat Marescallus qua in re quæ fuerint illius jura videsis in Edicto Philippi Pulcri in voce Duellum. Hac dignitate per baculum hodie investiuntur Marescalli, quod ante annos 200. apud Italos in usu fuisse, cum alicui præfectura copiarum conferebatur, testis est Leonardus Brunus in Orat. habita ad Nicolaum Tollentinatem ducem Florentinorum. Vide Valesiana pag. 193. et supra Annelatus de baculo Marescallorum Angliæ.

les Bénédictins de St. Maur, 1733–1736.

◊ Marescalli dignitas in Dalphinatu, eadem quæ in Francia ; sive Marescallum Dalphinatu, sive Marescallum in armis, aut Marescallum aciei appellaveris ; iis quippe nominibus idem officium designatum reperire est. Vide Hist. Dalph. tom. 1. pag. 49.

Magnus Marescallus, apud Anglos, qui Comes Marescallus interdum dicitur, ut in voce Comes adnotavimus. Vide Matth. Paris ann. 1233. pag. 263.

Marescallus Aulæ, et Marescallus intrinsecus, apud Anglos, cujus officium est

Mensis præparatis, mappis stratis, intrinsecos et extrinsecos secundum facultates suas evocare, et decenter et curiose collocare, et indignos ejicere, non permittere canes aulam ingredi, et toti familiæ Regis, ipso monente, hospitia liberare,

in Fleta lib. 2. cap. 15. Intrinsecus dicitur eidem Scriptori eodem lib. cap. 5. § 2. Liber rubeus Scacarii Anglici fol. 30 :

De officio Marescalciæ servivit Gilbertus Strogull, cujus est officium tumultus sedare in domo Regis, liberationes officiorum facere, ostia aulæ Regis custodire. Recepit autem de quolibet Barone facto Milite a Rege, et quolibet Milite, palefridum cum sella.

Apud Matthæum Paris ann. 1250. dicitur Marescallus aulæ Regiæ virgam præferre Magno Marescallo. Vide Radulphum in Vita S. Ricardi Episcopi Cicestrensis num. 26.

Marescallus Regis de feodo, dicitur in Statuto 2. Westmonast. cap. 46. ubi eadem de hominiis Baronum habentur.

les Bénédictins de St. Maur, 1733–1736.

◊ Hinc Marescalliam teneri a Rege in capite legimus in Charta Eduardi I. Reg. Angl. ann. 1287. apud Rymer. tom. 2. pag. 353 :

Nos eidem Comiti promittimus, quod nullum factum quod ipse aut sui,... fecerunt in expeditione nostra...... vertatur in præjudicium super Marescalcia, quam de nobis tenet in capite, aut cedat eidem in servitutem serjantiæ, per quam tenet Marscalciam prædictam.

Marescallus Curiæ, in Bulla aurea Caroli IV. Imper. cap. 27.

Marescallus Banci Regii, apud Anglos,

Mareschal du Banc le Roy

, in Statuto Edwardi III. ann. 5. cap. 8. cui potissimum incarceratorum cura incumbebat. Inde Mareschalcia dictus ipse carcer Londinensis. Vide Placita Coronæ lib. 2. pag. 73.

Marescallus Fidei, dictus Guido de Levis, Marescallus exercitus Crucesignatorum contra Albigenses, ut auctor est Tillius : sed idem in Charta, quam ipsemet exaravit anno 1229. in 30. Regesto Archivi Regii Ch. 75. sic inscribitur,

Guido de Liviis Marescallus domini Regis Franciæ illustris in partibus Albigensium

. Ita ut titulus Marescalli Fidei a vulgo ei attributus sit, quod pro Fide Catholica militaret. In Tabulario S. Dionysii Thuano, uterque Guido de Leviis, pater et filius, Marescalli Albigensium inscribuntur in Litteris ann. 1233. et 1234. Horum præ cæteris meminit Monachus Vallis Sarnai cap. 56. 62. et Chronicon Flandriæ vernaculum cap. 27. Guill. Guiart. ann. 1264 :

Souffri le jour d'armes le pois

Li Marechaus de Milepois.

Marescallus Forinsecus, ad discrimen Marescalli aulæ, qui Intrinsesus Anglis dicitur, ut est in Fleta lib. 2. cap. 4. Ejusmodi autem Marescalcia, (verbis utor ejusdem Scriptoris) est quædam Magna Sergentia Regis Comiti Norfolciensi in feodo commissa, cui, cum personaliter pro Sergentia illa Regi debitum servitium facere non semper possit, licet loco suo quemdam Militem constituere, assensu tamen Regio interveniente, qui vice dicti Comitis faciat quæ fuerint facienda : cui quidem servienti commissa est virga coram Rege deferenda, quæ significat pacem, unde Virgata appellatur spatium 12. leucarum, quæ sequitur Regem, ubicumque fuerit. In omni autem guerra seu bello Regis, ejus est officium, esse in prima acie, et loca assignare toti exercitui, et universis, in quibus erunt moraturi, etc. Tempore autem pacis ejus officium est hospitia liberare seu assignare Camerario Regis pro Rege et Camerario et intrinsecis suis, et alia exequi, quæ refert idem Auctor cap. 5. ut et Schedæ Gallicæ, a Spelmanno editæ, quas hic rursum describemus, quod multa contineant haud passim obvia.

Le Conte Marescal doit avoir le palefroy le Roy, ou tout le harnois, et le palefroy la Royne, avecq la chamber, quant ilz vendront au lieu, où ilz dovient estre coronés à lour descendre.

Le Conte doit estre plus prés au Roy, quant il serra coroné, et il doit la Corone en sa main tenir, et mettre la Corone sur la chief du Roy.

Doit le Conte mettre la main à la flour devant, et tenir celle flour en sa main, et soutenir la Corone, pour ce, qu'il est Marescalen pais et en guerre.

Et doit en temps de pais garder la pais, et faire droiture en toutez choses, qui touchent la Corone là où le Roy est, et à 12. leughes environ.

Et en temps de guerre et en l'ost doit-il avoir l'avant garde.

Et nul autre luy doit mettre la main à sa Corone fors que le Conte le Marescal.

Doit apaisier les noises, et visiter tous ceulx qui coucés sont en la salle, et par la verge 12. leughes dehors, d'environ des choses, qui appendent à la verge et à la Corone.

Il doit avoir le jour de Coronement pour la huisserie le blauncheur del deys, et le drap, qui pent deriere le Roy.

Le Marescaldoit garder le jour, et al Coronement et as grandes festes le huis de la sale, et tous les aultres huis, sauve les huis de la chambre le Roy, et avera les... qui as huissiers appendent.

Il doit avoir tous les attachemens, les ferres, et les emprisonnemens cel jour de tous ceulx dedens 12. leughes enveron, et avoir les devant le Senescal et devant luy à fair droit.

Si avera il de cascun prisonier 4. d. et tous les amerchiemens, qui sont de 40. d. et de mains.

Et si doit communement faire droit de tout au pueple au Coronement.

Le Marescal doit avere de Erchevesque le jour qu'il fait homaige au Roy, ou aultre, dix livres, ou son palefroy, avec tout le harnoys, ou 1. marc pour le harnoys ; et de Conte, quant il est fait Chevalier, son palefroy, avec le harnois, ou 1. marc pour la selle, et pur le frain, ou pur le palfroy 10. l. Et quant il serra ceynt del Conte, si avera-il son palefroy ou 10. livres.

Et des Evesques, Abbés, Priours, et de tous aultres, qui tiennent en chief du Roy et Baronie, quant ilz sont receus du Roy, et luy faichent feaultés, ou quant les lais seront fais Chevalier, ou qu'ils faichent homaige, si avera-il leur palefroy avec le harnois, ou cinq marc pour le palefroy, et demy marc pour le harnois, si ne ait eu devant al homaige faire au Roy.

Et de tous aultres, qui ne tiennent point du Roy par Baronie, mais que aultrement tiengnent du Roy, quant ilz feront hommage ou feauté au Roy, il avera le palefroy, ou le harnois tiel come il veit suyre la Court.

Et si nul fait homage au Roy hors de sa chambre, ou hors sa Capelle, il aura le fée, qui est demi marc.

Et si nul fait homage au Roy as camps armés à cheval, le Marescal avera le cheval et les armes.

Le Marescal doit livrer les hostelx à la journée, et par tout là où le Roy est ; et faire quancque appent à la livre à tout temps, en temps de pais et en temps de guerre, et à passi le Roy à la mer, les neifs doit le Marescal livrer.

Le Marescal doit estre al jour de la feste, et à tous aultres jours à les accomptz : et les establissementz del hostel seront faitz par le Senescal et par luy : et si doit-il seer à destre le Senescal à maignier : le Marescal doit avoir le jour de la feste 1. demi sextre de vin le sextre de Londres q'amont 7. barel faire ; deux torches et chunc candeilles : Et aultres jours, quant il vient à la Court, il avera demi sextre de vin de bouche, et demi sextre de aultre vin, torch et tortis, et chunc candeilles come le Senescal.

Le Marescal avera toutes les bestes quey'ntes le jour de la feste, ou aultres jours.

Et il doit avoir à la journée dix livres del Jurie de Londres, et la plus belle coupe de Londres al issuë de la sale.

Le Marescal avera le jour de Coronement et de aultres festes, toutes les eschines des gives et des chignes.

Cestes choses appendent au jour de Coronement et à la journée doit il avoir la maison del Eschequier pour soi herneissier.

Le Marescal doit avoir au Noël de la livrée le Roy, trois robes, dont la une robe doit estre de scarlet, et les deux de la suyte des Chevaliers ; et si dovient les deux robes estre ou furures de bisshes, la une de dix feeses, et l'autre de noef, et la tierche fourure de conynges. Et à Pentecouste doit-il avoir trois robes, dont la une de scarlet linée de cendal, et les deux de la sieut des Chevaliers.

Le Marescal>doit avoir un Chevalier verge portant, et jurera à celer le counseil le Roy : et si avera un Sergeant verge portant à liverer les hostels, et à faire aultres choses : et si avera un Clerq à recevioir de la paie as Sergeans et Saudijours 2. den. de la livre, et à faire le commandement du Marescal comme as marchées et aillers.

Et si avera le Chevalier un Escuier, et un garchon, et tous yceulx maigneront en la salle du Roy, et le Chevalier doit gesir en la sale : et s'il doit gesir hors de la sale, si avera-il demi sextre de vin, chuncq candeilles et 1. tortis.

Il gardera tous les huis où le Roy conseille, fors huys de la chambre le Roy.

Tous les chevaulx recrus de l'hostel le Roy, doit le Marescal avoir q'or ad le Almoignier.

Le Marescal doit avoir un Clerq, ou un Sergeant pour faire les attachemens à merces et à prender ce que append au Marescal.

Et doit faire crier le baan le Roy as villes ou le Roy doit gesir, et à 12. leughes environ.

Le Marescal et son Bachelier doivent estre francs au seal de tout leur pourchas, et francs au passage de la mer lui et tous les siens.

Le Clerq, que est attorné d'aller as marchies de par le Roy, et de par le Conte Marescal, doit avoir un contrerolle encontre le Sergeant du marchie, et du Rolle le Sergeant et du Clerq doivent estre les estretes livres à le Garderobe le Roy, et par icelles estretes dovient sourdre les fins et les issuës de les marches.

Et le Bacheler le Conte et le Sergeant du marchée, et le Clerq le Conte doivent estre as coustages de la ville le premier nut qu'ils veignent en la ville pour faire le mestier.

Si Conte, Baron, Visconte, Archevesque, Evesque, Abbé, Priour, Chevalier ou Bourgois soit arestus en la presence le Roy, il donra cascun jour demi marc au Marescal. Et al Eschequier quique soit arestus, il donra cascun jour demi marc, que en fee ore a le Clerq le Conte Marescal, que est assigné à l'Eschequier.

Se le Roy soit en guerre, dont doit le Conestable et Marescal tenir les plees, et le Marescal avera les amerchiemens et fourfaitures de tous ceulx, qui enfregneront les commandemens le Conestable et Marescal.

Et de cascune praie avera le Marescal toutes les bestes veires forspris, moutons, chevers, pors, que home apele pelfre.

Le Conestable et Marescal doivent avoir 4. d. de cascune livre que le Roy paye as gens d'armes, pour sous et gaiges en tems de guerre, forspris les gaiges des Senescaulx et Chambrelens.

Tous les Chevaulx recrus rendus en host, sont Marescal.

Si en temps de pais ou de guerre soit pris laron par le Marescal, les armes sont au Marescal, et le corps et les autres cateulx tous au Roy.

Et si soloit estre que le Marescal devoit avoir douze damoisellez à la Court le Roy, qui devioient faire seirement à son Bacheler, qu'elles ne sauveroient aultres putains à la Court qu'elles-mesmes, ne ribaudes sans avowerie de altre ; ne laron ne mesel, qu'elles ne les monstreront au Marescal ; et il doit pourvoir la Court de tout.

Et se aucun home ou feme, à pié ou à cheval, suie la Court pour briefs avoir, et respondu lui soit par le Conseil du Roy, ou par le Chancelier, qu'il ne doit tiel pourcach avoir, le Marescal lui defendra la Court, et se il suye oultra la defense, le Marescal avera le cheval avec harnois.

Le Marescal doit avoir tous les chevaulx as garceones de mestier, qui ne prendent gaigez à leur chevaulz du Roy tous les chevaulx as messagiers du Roy, et tous aultres chevaux, qui suyent le Roy à cassement.

Le Marescal doit avoir avec le haulte Justice le Roy, par tout là il soit, son tourne ou ses allées, un Clercq ou un Sergeant à recevoir les prisonniers et les fées, qui appendent au Marescal.

Le Marescal doit avoir 1. Clerq al Eschequier, qui gettera les sommes, et doit avoir la garde de tous ceulx, qui sont arestus al Eschequier, et avera de cascun le jour demi marc tant que ilz soient delivrés.

Item le Conestable, et Marescal tendront tous les plais devant eux, et le Conestable doura le judgmens, et avera pour cascune bille qui est donné en la Court, 4. d. et le Marescal 2. d. et les plais ne pourront estre tenus sans le Conestable et Marescal ou leur Lieutenans Chevaliers et le Conestable avera les commandemens, et le Marescal ferra execution des attachemens et tous autres arriests.

Le Marescal semondra les enquests et les fera venir, et le Roy trouvera le crieur, et celi avera de cascune, qui est delivrés à la barre, qui qu'il soit, 1. d. Et le Senescal ne se mestra de la mainie le Roy dedens la porte, et ceux qui mesfont dehors, et pourront estre pris, responderont en le manier en le Marescalcie.

Ensement le Marescal avera en banck du Roy un Marescal, qui avera la garde des prisoners, et prendera fées come avant est dit de ceulx, qui sont commandés à sa garde, en la Marescalcie de l'ostel. Et ne doit nul estre mainpris en le Banck du Roy par la place, ne par nul des Justices de dit place, qui sont endités ou apellés pour mort d'home, ou de diverses roberies ; et ce voelt le statut. Et ledit Conte doit de droit de son office, par là où il vendra en Engleterre aussi bien dedens franchises come dehors ; et aussi bien dehors la presence du Roy come dedens sa presence, attacher tous les felons et trespasseurs, s'il viegne freschement sur le fait, et livrer le corps au Visconte du lieu, ou la cause, ou Baillif des franchise, dedens francheses soient les corps ; ou mener eux tanc que au Mareschasie.

Item le Conte Marescal avera un Marescal en l'Eschequier, qui gettera les sommes de l'Eschequier, et avera le garde des foellez et tailles que sont allouez en mesmes la place, et prendra de cascun, qui est commandé au garde pour la debite le Roy cascun jour qu'il demourreit en garde, demi marc pour son fee ; et ne doit nul estre commandé au Fleet, fors tant suellement au Marescal, come pert par le recorde del noir livrer del Eschequier, qui voelt que se nul Visconte ou Baillif soit trouvés en arrierag deverse le Roy, que maintenant soit commandé au Marescalsie et à Conte avant en la garde ledit Marescal ; et ce par le statut.

Item ledit Conte Marescal claime de aver cognoissance de tous maneres des plais devant le Senescal le Roy, et lui si avant comme ils-solloient avoir en temps des progenitours nostre dit Sr. le Roy. C'est assavoir Assises de nouvielle Dessaisine, Freshe-forc en aunchien demene, tous manneres de fellonies, trespasses, dettes, contracts, et convenants de cascun temps.

Vide Marescallus, in Comes.

Marescallus Intrinsecus. Vide supra Marescallus Aulæ.

Marescalli Templi, S. Johannis Hieros. apud Jacob. de Vitriaco lib. 3. Hist. Hieros. pag. 1138. 1139. Statuta Ordinis S. Joan. Hieros. tit. 19.

Marescallus, Bajulivus conventualis venerandæ linguæ Alverniæ, vocabulum est militare, quod Galli a Germanis acceptum usurpant, quo nomine Tribunos militum vocant

. Vide Chronic. Flandr. cap. 32.

Marescallus exercitus Dei et Ecclesiæ sanctæ. Vide Matth. Paris ann. 1215. pag. 177.

P. Carpentier, 1766.

Marescallus Campi, Qui exercitibus castra præparat, Gall. Maréchal de camp. Charta Phil. Catal. episc. ann. 1233. ex Tabul. Monast. in Argon. :

Vir nobilis Renardus, dominus de Dampetra, compromisit in discretum virum Joffridum dominum de Cepeio, Marescallum Campi, ut pacem faceret de multis querelis contra abbatem et conventum de Monasterio in Aragona.

Marescalli, Qui hospitia magnatibus ac dominis suis parant, olim Mansionarii, hodie Maréchaux des logis. Hugo de Cleeriis de Majoratu et Senescallia Franciæ :

Si Comes perrexerit ad Curiam D. Regis, Senescallus præcipit Marescallis D. Regis, ut præparent et liberent hospitia Comiti.

Charta Friderici I. Imp. ann. 1185. apud Puricellum in Ambrosiana Basilica pag. 1030 :

Et reservato in Modoetia, quod Marescalco nostro vel Regis liceat ibi hospitia assignare.

Matth. Paris ann. 1251 :

Dum quidam Magnatum æditui, quos Marescallos appellamus, dominis suis hospitia providerent, etc.

Et anno 1252 :

Præmisit suum Marescallum, ut adventum ejus nuntiaret.

Id porro muneris videtur primitus fuisse Marescallorum militarium, quod et ii in exercitibus castris loca idonea præpararent ; unde Protostratores a Græcis appellatos docuimus ad Cinnamum pag. 475. Le Roman d'Artus :

Quant la court li Roi fust i ostée,

Moult vissiez belle assemblée,

Les Mareschaux oster, livrer

Soliers, et chambres delivrer,

Et ceux qui n'avoient ostex

Faire loges et tendre tex.

les Bénédictins de St. Maur, 1733–1736.

Marescallus Summi Pontificis, apud Nicolaum de Jamsilla de Gestis Friderici II. Imp. apud Murator. tom. 8. col. 519 :

Marescallus Summi Pontificis, sicut ex ejus notificatione accepi, mihi e Capua usque ad nemus quod est contra Magdalenam..... debet occurrere.

P. Carpentier, 1766.

Marescaulus Romaniæ, ita se inscribit Willeharduinus in Chartul. Campan. fol. 123. r°.

les Bénédictins de St. Maur, 1733–1736.

Marescallus Episcopi. Tabularium Eccl. Gratianopolit. :

Petrus de sancto Andrea Marescallus Episcopi.

Utrum vero ad hujus officium id tantum pertinuerit, ut aulas et interiora domus Episcopi, ut infra dicitur, regeret, an etiam ut copiis militaribus, quas Episcopus suis stipendiis cogebat, imperaret, haud satis mihi constat ; ut ut sit, eadem notione

les Bénédictins de St. Maur, 1733–1736.

Marescallus Abbatis, in Charta ann. 1085. tom. 2. Hist. Eccl. Meldens. pag. 14 :

De famulis domini Abbatis, Ebalus de Turone, Frogerius, Durannus Mariscalcus.

P. Carpentier, 1766.

◊ Quæ fuerint ejus jura colligere est

ex Charta Ger. abb. ann. 1334. inter Probat. ult. Hist. Trenorch. pag. 246 :

Et primo declaramus et discernimus dictum Marescallum esse et esse debere, dum et quando nobiscum fuerit, cambellatus seu senescallus hospitii nostri....... Item debet habere idem Marescallus et successores sui ratione sui officii equos nostros et successorum nostrorum recredatos et inhabiles ad laborandum, sive sint equi roncini, paleffredi, somerii, sive mulæ vel muli, una cum veteribus cellis, bastis, frenis, beris et aliis equorum nostrorum instrumentis, quotiescumque ea mutare contigerit. Item debet habere idem Marescallus..... vestes nobilium feodalium vexallorum nostrorum, sive sint viri sive sint mulieres... Item debet habere dictus Marescallus et successores sui quolibet anno in die Dominica bordarum unum Gallice Salignon salis super illum, qui dictum sal dicta die pauperibus erogabit. Marescalli prioratus de Paredo

mentio fit in Lit. ann. 1321. ex Reg. 75. Chartoph. reg. ch. 303. ubi ejus jura et munia fusius declarantur.

P. Carpentier, 1766.

Marescalisia, Officium Marescalli nomine feodi possessum. Reg. feud. Norman. ex Cod. reg. 4653. A. fol. 197 :

Dominus Guillelmus de Angervilla marescallus tenet feudum suum per Marescalsiam suam, in qua debet esse marscallus ducis Normanniæ.

Charta Guid. comit. Fland. ann. 1282. ex Chartul. Namurc. in Cam. Comput. Insul. fol. 24. r° :

Comme nostre chiere dame et mere Margherite,....... jadis comtesse de Flandre et de Haynaut, feist une eschange à mons. Baudouin de Bailleul qui fu, liquels fut huissiers héritables de Flandres, en teil manier que elle li donnast à lui et à son hoir le Mareschaucié de Flandres à tenir héritablement pour l'uisserie qu'il tenoit, etc.

Hinc Mareschaude, pro Marescalli uxor, in Charta comit. Nivern. ann. 1250. ex Chartul. S. Steph. Autiss. :

Nostre amée et nostre faelle Adeline la Mareschaude de Nevers....... Joffroy de Bully Mareschaud de Nevers, etc.

Marescallus in domibus privatis nobilium, cujus officium describitur in Fleta lib. 2. cap. 74. Lindwodus in Provinciali Cantuar. lib. 3. tit. 22. Marescallos Episcoporum eos esse ait, qui regunt eorum aulas et interiora. In ejusmodi Marescallos, ni fallor, invehitur Petrus Blesensis Epistola 14 :

Ut cæteras taceam, molestias Marescallorum sustinere non possum... vidi plurimos, qui Marescallis manum porrexerant liberalem. Hi dum hospitium post longi fatigationem itineris cum plurimo labore quæsissent, cum adhuc essent eorum epulæ semicrudæ, aut cum jam forte sederent in mensa, quandoque etiam cum jam dormirent in stratis, Marescalli supervenientes insuperbia et abusione, abscissis equorum capistris, ejectisque foras sine delectu et non sine jactura sarcinulis, eos ab hospitiis turpiter expellebant.

Horum Marescallorum vexationes et prædationes inhibentur in Capitulis Caroli C. tit. 12 :

Ut Missi in illorum Missaticis curam habeant, ne homines nostri, aut alii quilibet vicinos suos majores vel minores tempore æstatis, quando ad herbam suos caballos mittunt, vel tempore hiemis, quando Marescallos illorum ad fodrum dirigunt, vicinos majores vel minores deprædentur, etc.

Eæ vero molestiæ

Marescalciæ appellantur in veteribus Chartis. Charta Odonis Duc. Burgund. ann. 1102. ex Tabul. S. Benigni :

Relaxavi..... Monachis Divionensibus..... percursus, Marescalcias, brennarias, arbergarias, cautiones, et superprisias.

In alia ejusdem ann. 1102 :

Illam pravam consuetudinem, qua homines Ducis solebant per agros discurrere, et homines sancti cum animalibus suis in corvatam, vel in carropera Ducis violenter adducere, amodo remitto, et ut tam injusta exactio ulterius non fiat, interdico. Item excursum, quem Marischalci et Armigeri Ducis apud Longum-vicum infra villam faciebant ulterius fieri prohibeo.

Charta Heriberti Comitis Viromanduorum ann. 1076. apud Hemeræum :

Mariscalli mei campos Ecclesiæ ad ejus justitiam pertinentes prata et horrea quieta dimittant : nihil ex eis annonæ, nec fœni, nec stipulæ, nihil straminis præter Abbatis voluntatem habeant.

Charta Luitpoldi Ducis Bavariæ in Chronico Reichersperg. ann. 1141 :

Ipsa quoque duo beneficia præsignata ita decernimus permanere libera in fratrum propria potestate sicut erat in nostra, ne vel Camerarii, vel Marscalci, seu alii servitores nostri, ac posterorum nostrorum in ullo sint molesti cultoribus eorum, vel de rebus Curiæ traducendis, vel de annona equorum persolvenda, vel de aliis ministris hujusmodi traducendis.

Tabular. Dalonensis Abbat. fol. 87 :

Marescalcias, præposituras, messiones, convivia, justitias, ac trossas fœni, et quælibet alia servitia, vel quaslibet exactiones justas vel injustas.... dimitto.

Tabul. Celsinianense :

Et 1. agnum et 6. denar. pro eo, et 1. gallinam et Marescalciam diurnalem, et medietatem unius molendini.

Vide Chartam Luxoviensem in Operibus sancti Columbani pag. 333. Charta ann. 1293. in Tabulario Ecclesiæ Autissiodorensis fol. 44 :

Mareschalcias, quas acquisierunt a Constabulario Franciæ apud Appoigniacum,

id est, jura Marescallorum, seu quæ Marescallis competunt. Guido de Gestis Abbatum sancti Germani Autissiod. cap. 1 :

Cumque Marescalli dicti Ducis in villis S. Germani acciperent consuetudinem Salvamenti et Marescalciæ, etc.

Charta Willelmi Ducis Aquitan. ann. 1087. pro Monasterio novo Pictav. :

Et concedo omnia ad ipsum Monasterium pertinentia libera ab hospitio et arbergaria..... ita ut nec ego, nec uxor mea, nec aliquis propinquus, non Dapifer, non Marescallus, non Cubicularius, non Præpositus aliquis meus, aut serviens in Obedientiis ipsius Monasterii aut locis, hospitium aut arbergariam per consuetudinem quærat, aut talliatam faciat, aut sibi dari cogat.

Vide Metropolim Salisburgensem tom. 3. pag. 230.

les Bénédictins de St. Maur, 1733–1736.

◊ Erat autem Marescalliæ præstatio in provincia Dumbensi duorum bichetorum siliginis, quæ ab iis potissimum exigebatur qui animalia aratoria habebant. Marescallia vero dicta hæc præstatio a March, equus, quod fœno, stipula, stramine aliaque ad equos pertinente annona præcipue exsolveretur.

les Bénédictins de St. Maur, 1733–1736.

Marascalia, Idem quod Marescalcia. Spicileg. Acher. tom. 9. pag. 129 :

Dimitto..... consuetudinem quam pater meus et ego accipiebamus ritu temerario in quadam potestate eorum quæ dicitur Cussiacus ad equos nostros sive ad canes, quam vulgo Marascaliam et canariam appellant.

Hinc patet vocis etymon.

les Bénédictins de St. Maur, 1733–1736.

Marecalcia, Eadem notione. Tabular. S. Juliani Cenoman. :

Guillermus D. G. Rex Anglorum... Notum sit omnibus... me concessisse..... Deo et S. Juliano..... omnem terram S. Juliani... omni tempore quietam de vicaria, et de barnagio, et de Marecalcia et de omnibus aliis consuetudinibus.

Occurrit etiam in Tabular. Bonæ-vallis ann. 1238.

les Bénédictins de St. Maur, 1733–1736.

Marescalciata. Charta Gaufredi Vicecomit. Castriduni ann. 1232. pro Monast. Bonæ-vallis ex Tabular. ejusd. :

Item quicquid idem dominus habebat apud S. Maurum, scilicet hospites suos, census, furnum et omnem justitiam quam habebat in villa prædicta, et terras et nemus et aquas, suas omnes Marescalciatas quas ipse percipiebat... apud S. Maurum et apud Bonam-vallem, in quibuscumque pratis percipere.

Rursum occurrit in eodem Tabul. ann. 1234.

les Bénédictins de St. Maur, 1733–1736.

Marescallia. Charta ann. 1193 :

Omnes homines Ecclesiæ B. M. Bellæ-villæ liberavit (Guichardus de Bellijoco) ab omni manopere et Marescallia.

Alia ann. 1326 :

Unam tantum Marescalliam habeant dicti domini communem inter eos, et recipiant emolumentum ratione unius Marescalliæ tantum.

les Bénédictins de St. Maur, 1733–1736.

Mareschaucia, Eadem notione qua Marescalcia. Charta Philippi VI. Regis Fr. ann. 1331. ex Tabul. Bonæ-vallis Monast. :

Licet essent et fuissent per tempus sufficiens in possessione et saisina... habendique roagium ibidem, nec non habendi ibidem et recipiendi in pratis Bonæ-vallis Mareschaucias in quadregiis et frassellis usque ad festum B. Joannis.

Teloneum MS. Episcopat. Autissiodor. ann. circ. 1290 :

Mareschauchie circa xvi. sextar. avenæ. Mareschaucie de Wssello circa v. sextar. avenæ.

les Bénédictins de St. Maur, 1733–1736.

Maresciscalcia. Index MS. redituum Monast. Corbeiens. :

In omnibus aquis nostris et marescis et eorum forisfactis, nihil habet, nisi si Maresciscalcia fuerit, medietas Vicecomitatus nostra est, altera Balduini de Dours.

les Bénédictins de St. Maur, 1733–1736.

Marischachia. Charta ann. 1140. tom. 4. Gall. Christ. inter Instr. col. 172 :

In villa vero quæ dicitur Neronis nihil sibi retinuit præter Marischachiam et brennariam.

P. Carpentier, 1766.

◊ Mareschausie d'avoine, in Charta ann. 1281. ex Chartul. S. Steph. Autiss. Mareschaucie, in Lit. ann. 1371. tom. 7. Ordinat. reg. Franc. pag. 391. art. 4. Hinc Marchaucie legendum pro Marchances, in Libert. villæ de Tannay ann. 1352. tom. 6. earumd. Ordinat. pag. 59. art. 3 :

La redevance d'avoinne, appellée Marchances, deue esdiz seigneurs, etc.

les Bénédictins de St. Maur, 1733–1736.

Marescalcialis, Ad officium et dignitatem Marescalli pertinens. Charta ann. 1559. apud Rymer. tom. 15. pag. 536 :

Legem Marescalcialem et Martialem... pro executione et exercitio ejusdem legis Mariscalciæ sive Martialis.... ad exercendum, utendum et exequendum prædictam legem Marescalcialem, sive Martialem.