STROPHIUM, Stropheum, Pallium virginale, Jo. de Janua. Gloss. vet. Sangerm. n. 501 : Stropha, palleum virginale, Zona. Gloss. Lat. Gall. Sangerm. : Strophium, Ceinture. Ebrardus Betuniensis :

Zonam dic Strophium, palmam dic esse strophæum.

Trophæum scribendum fuit. Theodulfus Aurelian. lib. 1. Carm. :

Huic ferruginea est, apta huic quoque lutea vestis,

  Lacteolum Strophium hæc vehit, illa rubrum.

Eckehardus Junior de Casib. S. Galli cap. 5 :

Castitatis, inquit, fili mi, tibi cingulum per hoc lineum meum a Deo accipe, continentiæque Strophæo ab hac deinceps die per Wiboradam tuam te præcinctum memento.

Sallas Malaspinæ de Reb. Sicul. apud Baluz. tom. 6. Miscell. pag. 273 :

Pretiosum etiam Strophæum quem cingebat en cum isto sonipede habui de ipsius spoliis et portavi.

Vide Ferrarium in Stropare, et Forcell. in Strophium.