1. ABJUDICARE, Rem de qua controversia est, per judicium auferre, Latinis scriptoribus Gloss. Lat. Gr. Abjudico, ἀποϰρίνω, ἀποδιϰάζω Joann. de Garlandia in Synonymis :

Quod dat judicio Judex, adjudicat : et quod

Aufert judicio Judex, abjudicat illud.

Baldricus, Noviom. lib. 3. cap. 75 :

Terram, quam de Episcopo tenebat, ei Abjudicavere.

Albertus Stadensis ann. 1180 :

Imperator Henrico Duci Abjudicavit omne Feodum, quod ab Imperio tenuit.

Charta Balduini Comitis Gisnensis apud Duchesnium id Hist. Gisnensi pag. 124 :

Statimque curtis illi a censualibus Abjudicata est.

Alia ejusdem Balduini anno 1202. pag. 131 :

Prædicto Guiffredo.... eamdem decimam Abjudicavimus.

Charta Herberti Abbatis S. Auberti Cameracensis anno 1197. in Tabul. Abb. Montis S. Martini :

Perinde Joannes de Serainviler feodum istud sibi Abjudicavit, cognoscens et ipse tertio sub testimonium hominum suorum.... quod nihil juris haberet in eo, idemque a Paribus suis judicatum est.

Ubi sibi abjudicavit, idem est quod, sese exuit, devestivit. Utuntur etiam Jus feodale Saxonicum cap. 24. § 24. 30. Fleta lib. 2. etc. Vide Foris judicare.