ACAPTARE, nude, pro Emere, nostris olim Achapter. Charta ann. 1000. tom. 2. Hist. Occit. inter Probat. col. 157 :

Et est ipse alodes in comitatu Lutevense.... quem Hildinus pater meus et ego Odo Acaptavimus de Ardemando.

Alia ann. 1103. ibid. col. 361 :

Raymundus et Bernardus Guillelmi guirpierunt et satisfecerunt Guillelmo Montispessulano illum molinum et illas terras, quæ et quas Acaptaverant, postquam Guillelmus de Montepessulano ivit ad Jerusalem.

Ch. Raimundi com. Barcinon. an. 1150. apud Marten. tom. i. Ampl. Collect. col. 809 :

Quidquid etiam ab his, qui in ipsa villa et territorio aliquid habere Videntur, Acaptare tu poteris, laudando concedimus.

Vide infra Acaptum. Occurrit alia notione in Accaptare.