ACCESSIO 3, Glossarium mediae et infimae latinitatis, Du Cange et al.

« 3 accessio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 045a. http://ducange.enc.sorbonne.fr/ACCESSIO3

3. ACCESSIO, Canalis, rivus, quia ad opus molendini necessario accedit. Præcept. Ludov. Pii ann. 823. apud Ughel. tom. 2. Ital. Sacr. col. 96. edit. 1717 :

Similiter donationem, quam fecit... dom. et genitor noster Carolus Imperator petenti Geminiano Mutinæ episcopo de molendino prope stratam, cum Accessione sive aquario.

Ubi perperam editum Acceptione apud Murator. tom. 1. Antiq. Ital. med. ævi col. 772. Charta ann. 998. apud eumd. Ughell. ibid. col. 108 :

Cum decem jugeribus de terra, inter paludes et sylvas, quinque supra ipsum molendinum, et quinque subtus, cum Accessione et aquario suo.

Rursum occurrit ibidem col. 110.