ADDICTARE, idem quod Indictare, (quod vide) deferre, postulare in judicio. Henr. Knigthon lib. 5 :

Quem Rex fecit Addictari, et exulare per leges Regni.

Alibi :

Et fuerunt Addictati 35. de Belgrade, et sic oportuit finem facere.

Latinis scriptoribus Addicere, est condemnare, addictus, condemnatus, uti pluribus probavit Savaro ad Ep. Sidonii Apoll. Aliud significat vox Addicter Gallica, in Consuet. Wissanti art. 3 :

Par icelle coutume est deu double relief de la rente que doit l'heritage, s'il n'est expressement Addicté par le bail à rente, etc.

Id est, nisi expresse stipulatum. Itali et Florentini Additare dicunt pro accennar col dito, digito monstrare, indicare.