ADIRARE, Adiratus, Adisratus, dicitur de re, non tam deperdita, quam quæ non est ad manum. Galli Esgaré dicunt, Gallobelgæ Adiré. Consuet. Biturig. tit. 9. art. 28.

Egaré ou Adiré

. Consuetudo vetus Normanniæ cap. 87 :

Querelles des choses Adirées.

Esdiré

, in Consuetudine municipali de Labourt tit. 20. art. 1. Codex Legum Norman. apud Ludewig. Reliq. MSS. tom. 7. pag. 190 :

Si quis bovem, vel asinum, vel aliquam rem suam Adiraverit, quæ ab aliquo vania fuerit inventa, etc.

Maître Vacces au Roman de Rou MS. :

Puis a dit au Duc en l'oreille,

Que il a eu moult merveille

De la cuillé qu'il a trouvée,

Qu'il ont au mangier Adirée.

Bracton. lib. 3. tract. 2. cap. 32. § 2 :

Poterit enim rem suam petere ut Adiratam, per testimonium proborum hominum, et sic consequi rem suam quamvis furatam.

Fleta lib. 1. cap. 38. § 1 :

Poterit rem suam petere civiliter ut Addisratam, quamvis furatam.

Et lib. 2. cap. 1. § 5 :

Si (res) petatur tanquam Adirata.

Videtur vox orta a Latino adærare, adeo ut res adirata, sit ea quæ amissa et deperdita, et quæ adæratur, seu cujus pretium æstimatur, quod possessori reddendum sit. Vel a voce Italica adirato, iratus : nam qui sunt irati, seu quorum ira provocatur (qui sont fachez contre quelqu'un) ab eorum consortio abstinent, quibus irascuntur, ita ut amplius non compareant, uti prius, cum iis ; quæ vis est vocis adiratus, in re quæ amplius non comparet. Fortasse pro a-dextratus, a-distratus, (vide infra Distrarius pro Dextrarius) Quod non ad dextram, i. e. ad manum habetur.