ADJANCIAMENTUM, In districtu parlamenti Burdigalensis idem est, quod alibi Augmentum dotis nuncupatur ; incrementum scilicet dotis quod mortuo marito uxori superstiti redditur supra dotem propter nuptias ; vulgo Agencement, dictum a Gall. Agencer, convenire, pacisci, quia ex anteactis pactionibus statuitur ac definitur. Nisi sit a voce Adjecement, quam dixerunt pro Incrementum, perfectio. Lit. ann. 1366. inter Probat. tom. 1. Hist. Nem. pag. 295. col. 1 :

Les consuls et habitans nous ont fait humblement supplier que pour l'Adjecement de la force et défense de laditte cité, etc.

Testam. Bertr. de Galhaco ann. 1293. in Reg. 4. Armor. gener. pag. 2 :

Item recognovit se habuisse in dotem.... ducentas libras Turonenses, quas una cum Adjanciamento voluit dictæ mulieri reddi.

Vide Gregorium in Syntagm. juris univ. lib. 9. tit. 23. cap. 5. et Boucher d'Argis tract.

des gains nuptiaux et de survie

, cap. 2. num. 2. pag. 27. Vide infra Agentiamentum.