ADJUTORIUM, Glossarium mediae et infimae latinitatis, Du Cange et al.

« Adjutorium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 080c. http://ducange.enc.sorbonne.fr/ADJUTORIUM1

ADJUTORIUM, Præstatio, quæ a subditis Principi fit pro eo adjuvando in ejus necessitatibus, vel sane eo prætextu. Charta Alexandri Comitis Cupersanensis ann. 1102 :

Data vel angaria, aut auxilium, quod ex nostræ gentis consuetudine Collecta vocatur.

Tabularium Absiense fol. 32 :

Nullo nobis jure retento, præter quinque solidos vobis et Gauffredo Normant ad Adjutorium ipsius feodi relevandi, et præter talliam 15. denariorum de mariagio et de prisione, secundum morem patriæ.

Adde Ughellum tom. 7. pag. 1073. et Constitut. Sicul. lib. 3. tit. 19. Vide Auxilium.

les Bénédictins de St. Maur, 1733–1736.

Adjutorium Generale, Adjutorium Coquinæ. Eadem notione passim occurrunt in Necrologio Abbatiæ S. Petri de Casis :

V. Febr. obiit D. Giraudus Chandos Miles, qui dedit 50. solidos ad adjutorium Generale. Beatrix de Davinio dedit Conventui 15. libras ad Adjutorium Coquinæ.

Quo scilicet facilius Generale monachis exhibeatur, et ex coquina

abundantius subministretur. Vide Generale.

« Advictorium » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 099c. http://ducange.enc.sorbonne.fr/ADVICTORIUM

ADVICTORIUM, Advinctorium, Adjutorium, Advintorium, Adjuntorium, Avitorium, quæ tam incerta scriptio oritur ex ambiguitate hujus notæ m. quæ utrum ui vel iu debeat explicari incertum est. Cionaccius singula loca adnumerat, et in dubio notat, videri legendum Advinctorium vel Adjunctorium, ut significetur oblatio quædam cerea plurimorum cereolorum in fascem colligatorum, vel fax ex pluribus funalibus composita. Ita Bollandi Continuatores. Prætulerim Advinctorium ; est enim Advincta, Tæda, fax. Gall. Torche, Flambeau. Miracula S. Humilianæ tom. 4. Maii pag. 405. B :

Una die fecit votum B. Humilianæ, quod si eum ab hac infirmitate liberaret, portaret ad tumulum suum Advictorium candelæ, longum secundum quantitatem monumenti.