ADSESSORES, Assessores, Iidem qui supra Adjutores, qui nempe rectoribus provinciarum adsidebant, ut in rebus administrandis eos consiliis adjuvarent. Hinc

administrantium participes

nuncupantur in l. unic. Cod. Theod. de Provinc. rector. lib. 8. tit. 15. l. 5. § 1. Consiliarii, ἀρχόντων σύμπονοι in lege 13. Cod. lib. 1. tit. 51. de Adsessoribus, et domesticis, et cancellariis judicum, et in Cod. Theod. lib. 1. tit. 12. hodie 21. Ibid. lex 2 :

Assessores, qui consiliis propriis administratores juvare consueverunt.

Spartian. in Alex. Severo :

Adsessoribus salaria instituit.

Tantæ vero auctoritatis erant ii Adsessores, ut ne ea abuti possint, in eadem provincia ultra quatuor menses remanere eis minime esset licitum, ex l. 10. Cod. ibid. Nedum autem acta publica transcriberent, imo ea subscribere iis non permittebatur, ut docet lex 2. ibidem. Adsessores sibi seligebant Magistratus, ex institutione Augusti, ut discimus ex Dion. lib. 53. idque Adsciscere dicebatur. Cod. Theod. l. 1. ibid. :

Si quis judicum, vel civem provinciæ quam reget, vel certe peregrinum consiliarium sibi voluerit Adsciscere, etc.

Vide Jac. Gothofred. ad leg. 50. Cod. Theod. tit. 1. pag. 275. et ad leg. 5. ibid.

de iis quæ administrantib

. Calv. et Brisson. Lex jurid. De iis vero, qui apud nos Assessores vocantur, dicere supervacaneum foret.