ADVOCATA, Quæ causam alicujus consilio aut quovis alio modo, defendit. Vocabularius variloquus :

Dicitur de Maria Virgine.

Charta manumissionis Petri episc. Laudun. ann. 1377. in Reg. 131. Chartoph. reg. ch. 12 :

Edelinam feminam nostram de corpore... sub infrascriptis modis et conditionibus manumittimus per præsentes, videlicet quod de cetero tanquam Advocata vel procuratrix, seu alio modo quocumque contra nos, successores nostros episcopos, vel ecclesiam nostram Laudunensem alicui alteri publice vel occulte, consilium, auxilium, vel patrocinium, aut juvamen dare ac etiam impertiri non possit.

Vide alia notione in Advocati pag. 111. col. 1. et 3.