ÆSANCIA, Æsantia, Æssancia, Assancia, a Gallico Aisance, Facultas utendi rebus non suis in alienis nemoribus, pascuis, etc. vel ex concessione vel ex jure municipali. Charta fundationis Abbatiæ Beatæ Mariæ de Bello-Visu, anni 1242. inter Instrum. tom. 2. Gall. Christ. col. 71. C :

Item quod per monstreiam servientium domini Magdunensis et pasnagium, quitum ad quadraginta porcos suos proprios et pascuagia et Æsancia animalibus suis juxta Carum fluvium et curam ubicumque tempore hujusmodi donationis nostræ communia habebantur.

Charta Gaufridi Episc. Silvanect. in Chartulario Monasterii San-German. fol. 17 :

Omnes Æsantiæ tam in pascuis, quam in aliis communes erunt. Æssanciæ

fol. 19. in Charta Johannis Abbatis S. Genovefæ ann. 1202. Assanciæ ibidem fol. 22. Vide Aisantia et Aasantia.