AFFECTATORES, Glossarium mediae et infimae latinitatis, Du Cange et al.

« Affectatores » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 124c. http://ducange.enc.sorbonne.fr/AFFECTATORES

AFFECTATORES, iidem, qui Affactores, de quibus supra. Charta ann. 1144. pro Montalbanensibus in Regesto Comitatus Tolosæ Cameræ Comput. Paris. fol. 27 :

Omnes sutores sive Affectatores extranei vel privati, qui ad mercatum ipsius loci venerint, et merces sui officii attulerint, etc.

Alia ann. 1190. fol. 87 :

Qui coria Affectata bovum vel vaccarum, vel equorum vel equarum attulerint, etc.

Vide Hist. Occitanicam Catelli pag. 324.

P. Carpentier, 1766.

Affectator, Coriarius, qui coria subigit, Gall. Tanneur. Placit. ann. 1158. inter Probat. tom. 2. Hist. Occit. col. 568 :

Quod usaticum prædicti Affectatores pro se.... dixerunt se habere,... quod usaticum.... tale est scilicet ut ab omnibus hominibus,... qui coria affectata boum, vel vaccarum, vel equorum, aut equarum attulerint ab ullis partibus extra villam Tolosam ad vendendum,... de singulis coriis talibus habeant ij. den. Tolosanos... Tunc supradicti Affectatores, pro se et pro exteris Affectatoribus urbis Tolosæ et suburbii, recognoverunt domino comiti.... dare iiij. solidos Tolos. pro unoquoque corio bovis ; .... et recognoverunt quod debent dare totos corios, qui fuerint opus comiti, etc.

Hæc fusius describo,

ut vocis, Affectator, interpretatio firmetur, atque inde pateat vocum Affactator, Affactores et Affectatores nativus sensus, qui idem omnino est atque hujus Affectator. Vide supra Affaitare 1. et infra Affeitare.