AGRESSAGIUM, pro Agrestagium, ab Agresta. Jus capiendi certam uvarum immaturarum portionem in vineis subditorum ad conficiendum omphacium. Charta Simonis de Balgensiaco, ann. 1242 :

Notum facio quod cum haberem vel me habere dicerem in omnibus vineis Ecclesiarum Clericorum, Militum et omnium feodatorum Balgenciaci, Agressagium meum, attendens quod hujusmodi Agressagium singulis annis pluribus damnum inferret non modicum, mihi autem et meis nullum vel parvum commodum reportaret, de consilio bonorum virorum dictum Agressagium in perpetuum quittavi et concessi, ita quod nec ego nec hæredes mei de cætero in quibuscumque vineis Agressagium vel fructum aliquem vel racemos capere possimus vel habere.

Vide infra Agresta.