ALBERIA, Alberiata, Locus alnis seu populis albis consitus, nostris Aunaie, olim Auberoie et Aubergire. Charta ann. 1271. in Chartul. Med. monast. :

Super molendinis, pratis, terris, olchiis, ædificiis, aquis, piscaturis, Alberiis, et super aliis pertinentiis, etc.

Charta ann. 1388. ex Reg. Joan. ducis Bitur. in Cam. Comput. Paris. fol. 136. r° :

Quoddam hospitium, vocatum hospitium de Oriaco, prope villam Bituricensem situatum, cum terris, pratis, nemoribus, redditibus in bladis, vinis, denariis, polalliis, vineis, Alberiis, censibus, etc.

Quæ in Charta Gallica ejusd. anni de ead. re fol. 141. r°. sic redduntur :

Ung hostel, appellé l'ostel d'Ory,... avecques toutes ses appartenances,... tant en terres, prez, bois, rentes de blez, de vins, de deniers, poulailles, vignes, Aulnoiz, etc. Auberoie,

in Ch. ann. 1390. ibid. fol. 142. v°. Charta Joan. ducis Bitur. ann. 1401. ibid. fol. 179. r° :

Molendina nostra,... cum eorum saltibus, aquis, ripperiis, exclusis, Alberiis, Alberiatis, piscaturis, yvernalibus, aquæductis, etc.

Reg. Cam. Comput. sign. Bel fol. 84. v° :

Vergiers, hoches, chasaus, maisons, Auberoies, bois, boissons, eaues, pescheries, etc.

Lit. pro Gilberto de Chabannes ann. 1473. in Reg. 204. Chartoph. reg. ch. 102 :

Ensemble les Aubergires de Bourniquel et les dismes de Negrepelisse.

Sed et arbor ipsa Auberoie dicitur, in Lit. remiss. ann. 1478. in Reg. 205. ch. 120 :

Le suppliant et Jehan Caillaud eurent noise et débatz ensemble à l'occasion de certains fagotz d'Auberoyes, etc.

Vide supra Albareta.