◊ Perperam, ut arbitror, emendatur, Almetes, cum vocabulum hoc rarius non legatur in veteribus Glossis, quam Almities. Deinde ipsa vox Almities ab alendo ducta melius per ϰάλλος άνατροφῆς, id est, Pulchritudo alimenti, seu pulchritudo ex alimentis salubribus nata, quam per ϰάλλος, ἀνατποφὴ, hoc est, diviso sensu, Pulchritudo, Educatio. Sosipater Charisius vocem Almities vertit εὐπρέπεια, Eximius decor, Reuchlinus autem in Breviloquo ait, vocibus Almitas, Almitudo, Almities, ab Almus ductis significari sanctitatem. Addam legi Almitus in veteribus Glossis pro Almitas. Vulcanius quldem, Meursius et alii post ipsos habent Almitas : verum cum Almitus declinari potuerit ut servitus ; nullam video mutationis necessitatem.