« »
 
[]« 3 alpes » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 199c. http://ducange.enc.sorbonne.fr/ALPES3
3. Alpes, Altitudo. Paschasius Radbertus in Epitaphio Walæ Abbatis Corbeiensis lib. 1. cap. 16. inter Acta SS. Bened. sæc. 4. part. 1. pag. 479 :
Ubi jubeat mihi nostrum sternere lectum, (in agri sulcis) quorum latera hinc inde pulcris nos ambiendo fovebant fulcris, dum equi sella in medio posita, quæ unam mihi Alpem ad caput præbebat, alteram illi.
Testam. æræ 959. ap. Sa Rosa de Viterbo pag. 104 :
Tonicas 10 superlectiles, inter paleas et tramisirgas : 12 ganapes ; lineas 100 ; plumazos similiter 100 ; alii Alpes 5 ; almucellas 4, etc.
Alpagium, Jus ipsum pascendi pecora in alpibus, vel pensitatio pro facultate ea abigendi in alpes Computum Castellani Grasivod. in Dalphinatu ann. 1333. inter adversaria Domini Lancelot.
Castaneæ, cera, sal, casei Alpagii, fenum, ligna, denarii, etc.
Tabular. Ecclesiæ Tarentasiensis :
B. Comitissa Sabaudiæ mater Domini Comitis, Chartæ hujus auditoribus Sal. in Do. Notum facio universis, [] quod medietas pascuorum et Alpis in monte supra Altam Curiam, ad Comitatum pertinens, quam medietatem in usus proprios converti injuriose, cum commune esse vicinis habitatoribus certum esset, et eam ex antiquis temporibus pacifice possedissent : ad monitionem autem venerab. Patris et Tarentasiensis Archiepiscopi, et ejusdem Ecclesiæ Capituli, recognoscens, quod injuste hoc fecerimus, ad pristinum statum revocamus, sicut inveneramus.... retenta medietate Alpagii, sicut.... quatenus habuerat Comitatus. Testes Aimo de Aima Canonicus Tarentas. Eccles. Rollandus Miles de Turnone, Willelmus Balb. et Aimo Milites de Aima, Petrus Gonterii Mistralis de Salino, Ebrendus Mistralis de Musterio, Blancus de Salino, Anselmus de Corf. Actum anno grat. M. CC. XII. xiv. Kal. August. apud Salinum in domo mea.
Chartam integram a nobilissimo viro Joanne Constantino Comneno nobis communicatam hic descripsimus, quod ex ea tandem eruatur, Beatricem Viennensem Humberto III. Sabaudiæ Comiti marito superstitem vixisse, etsi secus tradatur ab eruditissimo Scriptore Sam. Guichenone, qui etiam hujus Chartæ meminit, pag. 263.
Alpaticum, Eadem notione, in Tabulario Ecclesiæ Gratianopolitanæ sub Hugone Episcopo, fol. 42 :
Et medietas de Alpatico de montibus qui sunt super Vilarbonold.
Et fol. 18 :
Et Alpaticum de Chalveto usque ad Rivum brugientem.
Rursum fol. 50 :
Et habeo quartam partem de Alpatico de aqua, quæ vocatur Vort, usque ad altiora loca montium, etc.
© École des chartes.