ALVACILUS, Glossarium mediae et infimae latinitatis, Du Cange et al.

« Alvacilus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 208c. http://ducange.enc.sorbonne.fr/ALVACILUS

ALVACILUS, Alvazilus, Judex apud Saracenos Hispanos. Charta Alphonsi VIII. Regis Castellæ, æræ 1213. apud Anton. de Yepez tom. 7 :

Et vestras tendas nullus Alvacil, neque Almuserifus, neque Almoçabel violenter intret.

Apud eundem, Chartam Alphonsi VII. Imperat. Hispan. æræ 1156. subscribunt

Gomez Nuniz, Alcaidus de Talavera, et Julianus Alvacil de Toledo

. Adde tom. IV. Monarchiæ Lusitan. pag. 268. et vide supra Alcaidus. Pro Alvazilus locum vide in Gancare et in Malfarium.

P. Carpentier, 1766.

◊ Leg. Lusit. sub Alph. reg. tom. 1. Probat. Hist. geneal. domus reg. Portugal. pag. 11 :

Omnes de regno Portugaliæ obediant regi et Alvazilibus locorum, qui fuerint ibi per nomine regum ; et isti judicabunt per istas leges justitiæ.

L. Henschel, 1840–1850.

◊ De hoc vocabulo S. Rosa de Viterbo vol. I. pag. 106. hæc habet : Alvazil, Alvazir, Alvasir, Alvasil, Alvacir, Alvacil, 1° Provinciæ præses, præfectus urbi. Chart. Don. æræ 1070 :

In Colimbria Sesnandus Alvazir.

Alia æræ 1085 :

Dux in Colimbria Sesnandus Alvazir.

Alia æræ 1101 : (Ecclesia de Mollelos erepta Mauris) In temporibus rex Alfonsi et Alvasir Domno Sesnandi, Imperatore nostro. (i. e. Conimbriæ). Idem Sesnandus in charta æræ 1085. dicitur Consul Colimbriæ, et in aliis ærarum 1074. et 1087.

Alvacir, e Senhor de Coimbra e de toda a terra de Santa Maria

. Alia æræ 1091 : (Actio instituta)

Ante Alvazir Domno Sisnando, qui Dominus erat de ipsa terra ipsis temporibus.... Jussit Alvazir per manu de suo vigario Cidi Fredariz, quod dedissent ipsos fratres juramentum, sicut lex Gotorum docet..... deinde venit de Colimbria et de Monte Majore de illo Senore Alvazir cum isto recapito, etc

. Judex primus, a quo est provocatio, quem primæ instantiæ dicunt, sec. XII. XIII et XIV. Curia Lamec. æræ 1142 :

Quando aliquis gançaverit avere alienum, vadat querelosus ad Alvazil, et ponat querelam et Alvazil restituat illi suum avere.

Ibidem :

Mulier, si fecerit malfairo viro suo cum homine altero et vir ejus accusaverit eam apud Alvacil et ipsi sunt boni testes, cremeretur cum igne.

3° Senator, decurio, Lus. Vereador da Camera, inde a regno Sanctii I. Chartam æræ 1195 subscripserunt. Stephanus Alvazir, Rodricus Alvazir, Tellus Alvazir, testium nomine. Vide Alguazilus ; vox ejusdem originis Arabici apud Hispanos et formam et significationem paullo diversam sortita est.