AMINA, Mensura frumentaria, pro variis locis diversæ capacitatis, eadem quæ Hemina. Vide in hac voce. Charta ann. 1230. ex Chartul. Campan. fol. 207. v°. col. 1 :

Assignamus etiam.... duas Aminas bladi, medietatem frumenti et medietatem avenæ ;.... quæ si carrucæ cum prædictis furnis adpreciatæ sunt ad sexaginta Aminas bladi, medietatem frumenti et medietatem avenæ.

Occurrit rursum infra. Charta ann. 1295. in Chartul. eccl. Lingon. fol. 47. v° :

Item cxiv. jornalia terræ arabilis,.... quæ valent seu valere possunt xxx. Aminas bladi per modium, si admodiarentur. Amené,

eadem notione, in Testam. Hugonis V. ducis Burg. ann. 1314. inter Probat. tom. 2. Hist. Burg. pag. 154. col. 1 :

Item donnons à Lescot, vallet de nostre chambre, trois Amenés de froment à sa vie, a panre en nostre grenier de Roure.

Hinc