ANGUILLARIS, Anguillarium, Locus fluminis, ubi capiuntur anguillæ : vel ut habet Ugutio, locus ubi anguillæ habitant. Charta Rohonis Episcopi Inculismensis in Tabul. Abbatiæ S. Amantii :

Silvis, pratis, aquis, farinariis, Anguillariis.

Alibi in eod. Tabul. :

Sed et ad Anguillarem faciendum, et ad molendinos construendos dederunt boscum, etc.

Observat porro Wendelinus in Lege Salica, et aliis ejusmodi, non aliorum piscium fieri mentionem, quam Anguillarum, et quidem fluviatilium, non item lacustrium : unde conjicit eas Leges non alibi latas quam circa prata Brabantiæ versus Hercam, ubi inexhausta fere est anguillarum piscatio.