« »
 
[]« Antiphonarium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 302a. http://ducange.enc.sorbonne.fr/ANTIPHONARIUM
ANTIPHONARIUM, Gemma Gemmarum : Antiphonarius vel Antiphonarium. Liber continens Antiphonas totius anni. Agobardus lib. de Divina Psalmodia :
Necesse fuit omnem sacrorum officiorum seriem, quæ solito Cantorum ministerio per totum anni circulum in Ecclesiasticis conventibus exhibetur,... diligentius et plenius in libello quem usitato vocabulo Antiphonarium nuncupant, colligere atque digerere.
Hujus auctorem Gregorium Magnum fuisse ait Joan. Diaconus in illius Vita lib. 2. cap. 6 :
Antiphonarium centonem Cantorum studiosissimus nimis utiliter compilavit.
Rupertus lib. 2. de Divin. Offic. cap. 21 :
Gregorius Antiphonarium regulariter centonizavit et Compilavit.
Adde eumdem Agobardum lib. de Correctione Antiphonarii cap. 15. Scripsit Amalarius Fortunatus librum de Ordine Antiphonarii. Idem liber dicitur etiam Responsonarium a Responsoriis, quæ ibid. continentur ; ut observat Durandus lib. 6. Ration. cap. 1. num. 24. Vide Monachum[] Engolismensem in Vita Caroli Magni ann. 877. Lusitan. dicebatur Antifaal, teste S. Rosa de Viterbo vol. 1. pag. 120. Charta sec. XIV :
Duas vestimentas perfeitas, huum Antifaal.
Antiphonarium, Diurnum et Nocturnum, quorum scilicet usus in diurnis et nocturnis officiis. Chronicon Casin. lib. 3. cap. 62 :
Antiphonaria de die duo in choro semper habenda, Antiphonarium de nocte.
les Bénédictins de St. Maur, 1733–1736.
Antiphonarium, Liber in quo Introitus ceteræque antiphonæ in Missa dici solitæ continebantur ; nam, inquit Mabillonius, lib. 1. de Liturgia Gallic. pag. 36. in omnibus Liturgiis Missa incipiebat ab antiphona quadam ; unde liber qui ejusmodi versus continet Antiphonarium a Joanne Diacono vocatur in Vita Gregorii Magni. De his antiphonis, quas modo Introitus appellamus, intelligendum videtur Concilium Agathense anni 506 :
Studendum est ut, sicut ubique fit, et post Antiphonas Collectiones ab Episcopis vel Presbyteris dicantur.
© École des chartes.