APATISATIO, Glossarium mediae et infimae latinitatis, Du Cange et al.

« Apatisatio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 308b. http://ducange.enc.sorbonne.fr/APATISATIO

APATISATIO, Pactum, conventio, quæ cum hoste fit a regionis subactæ incolis, ut a cædibus et incendiis temperet sub certa tributorum solutione, Gall. Contributions. Olim dicebatur Appatis ut videre est in voce Appatissamenta, et in præsentibus exemplis. Litteræ Thomæ de Monte-Acuto Comitis Sarisberiensis apud Nic. Uptonum lib. 2. de Officio Militari cap. 12 :

Concedimus per præsentes bonum et salvum conductum, ac salvam gardiam sive securitatem Apatisationis. Epactio,

vel pactio, in Tabul. S. Dionysii Lemovic. cap. 5. Apastis, apud Monstrelletum 2. vol. pag. 81. 83. B. Apaticer apud Juvenalem Ursinum in Epist. ad Status Blesenses :

Esquelles choses le pauvre peuple de tous Estats cuidant mettre remede, delibera de soy Apaticher à la Garnison plus prochaine ; mais tantost tous les autres Garnisons commencerent à courir villages, voulans avoir patis.

Idem in Epist. ad Carol. VIII. Reg. ann. 1439 :

Apatissoient les villages à huit ou dix places, et si on paroit, on aloit mettre le feu es villages.

Alanus Charterius, au livre des 4. Dames :

Et desir tient tout Apastis
Mon vouloir, qui est amatis.

Pastis, in Charta Caroli V. Reg. Franc. ann. 1372 :

Les raenzons et Pastis, qui par les Barons estoient faits sur nos sujets.

Ex prædictis satis liquet Apatisationem, Apastis, Pastis, et Apatiser, ab eodem fonte derivari, a pacto scilicet, non vero a pastu, ut perperam censuit Duchesnius, ita ut apatisatio nihil aliud sit quam pactum initum cum aliquo ; apatiser vero, pacisci. Vide Apaltus, Appatiamentum, Appatissamenta, Pactum, et mox Apatuare.