APOSTARE 1, Glossarium mediae et infimae latinitatis, Du Cange et al.

« 1 apostare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 317c. http://ducange.enc.sorbonne.fr/APOSTARE1

1. APOSTARE, Postponere, violare. Leges Eduardi Confess. tit. de Heretochiis 35 :

Qui leges Apostabit.... weræ suæ reus sit apud Regem.

Quæ totidem pæne verbis habentur in Legibus Henr. I. cap. 12. nisi quod Apostatabit legitur. Unde Apostare et Apostatare leges, his locis nihil aliud sonat, quam leges postponere, violare, a legum observatione deficere, ἀποστατεῖν, quod aliis verbis cap. 34. Legum Henrici sic concipitur :

Qui prævaricator vel eversor conscriptæ legis extiterit, etc.

Eadem etiam locutionis formula usus est Lambertus Ardensis :

Tandem a Saracenis captus legem Christianam et fidem, et paternas Apostatavit traditiones.

Vide Apostatare.

P. Carpentier, 1766.

◊ Adoser et Adosser, eodem significatu, in Chron. S. Dion. lib. 3. cap. 10. ubi verba Aimoini lib. 3. cap. 27 :

Cumque in talibus versarentur, Deum post terga ponentes, ipsi quoque a Deo postpositi iram ejus incurrerunt,

sic Gallice redduntur :

Tel vie menerent longuement, et Adoserent nostre Seigneur et ses commandemens ; et nostre Sire les Adosa, si comme vous oirez ci-après.

Rursum lib. 4. cap. 6 :

Ausi est-il des gens de religion, qui le monde ont Adossé et guerpi. Aderrierer

vero, pro A tergo sequi, vulgo Demeurer derriere, in Lit. remiss. ann. 1473. ex Reg. 195. Chartoph. reg. ch. 854 :

Icellui Didier, qui estoit monté sur ung cheval grison.... se Aderriera en chemin,... auquel Didier le suppliant dist qu'il avoit beaucoup demouré derriere.