1. APPENSA, Mensura frumenti ad alicujus corporis pondus. Gonzo Abbas in Miracul. S. Gengulphi Mart. n. 28 :

Mirabilius etiam sanabis hic absentem, quam in tua Ecclesia præsentem ; ejus (puellæ) Appensam si placet, tibi devoveo, et ne differas amplius, oro, etc.

2. APPENSA, ut supra Appendaria. Tectum domui appensum, humilior appendix ædificii, Gall. Appentis. Concil. Tolos. ann. 1228. apud Acherium tom. 2. Spicileg. pag. 621 :

Solliciti etiam sint Domini terrarum circa inquisitionem hæreticorum, in villis, domibus et nemoribus faciendam, et circa hujusmodi Appensa, adjuncta seu subterranea latibula destruenda.

3. APPENSA, Scriptum, quo asseritur possessio rerum, quarum authenticæ Chartæ incendio aut hostili deprædatione deperditæ sunt ; qua ratione autem conflciebatur, vide in Apennis. Placitum ann. 927. inter Probat. tom. 1. Hist. Nem. pag. 19. col. 2 :

Facta plancturia seu et Appensa ista, in mense Junio, die Veneris, anno xxx. regnante Carlo rege.

Infra pag. 20. col. 1 :

Ugbertus episcopus et Ictor in vestram præsentiam fecerunt plancturiam vel Adpensam, nos ipsam vidimus et audivimus legentem et relegentem.

4. APPENSA, Appensum domui tectum, seu umbraculum ligneum projectum, quod fenestræ vel officinæ appenditur, Gall. Auvent. Stat. Avenion. ann. 1243. cap. 81. ex Cod. reg. 4659 :

Removeantur Appensæ vel pendentia super viis publicis, quæ obesse possent equitantibus, vel arma portantibus, sive aliter transeuntibus.