AQUÆVERSUS, Glossarium mediae et infimae latinitatis, Du Cange et al.

« Aquæversus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 344b. http://ducange.enc.sorbonne.fr/AQUAEVERSUS

AQUÆVERSUS, Alveus, canalis, rivus ; item id omne per quod aqua foras mittitur et elicitur, aquarium. Libert. de Stagello ann. 1331. in Reg. 69. Chartoph. reg. ch. 174 :

Aquam fluminis de Ayglino hactenus decurrentem et defluentem per Aquæversum de loco seu castro, vocato de Turre,... avertendo,... fregit paxeriam.

Charta ann. 1326 in Reg. 64. ch. 420 :

Qui jurati potestatem habeant... decidendi et declarandi contrastus (sic) quoscumque, qui inter privatos evenerint ratione... viarum et itinerum, stilicidiorum et Aquæversuum.

Libert. castri novi de Arrio ann. 1356. in Reg. 185. ch. 36 :

Cognitio contractuum simplicium, Aquæversus, stillicidiorum, carreriarum, exituum, etc.

Ita etiam leg. tom. 5. Ordinat. pag. 6.

P. Carpentier, 1766.

Aquaversus, Eadem notione. Lit. ann. 1398. tom. 8. Ordinat. reg. Franc. pag. 284. art. 6 :

In ipsorum solis, soleriis, parietibus, tectis, stilicidiis, Aquaversibus, aquarum discurcibus, etc.

P. Carpentier, 1766.

Aquisversus, Eodem intellectu. Concordia inter monachos et habitatores Anianæ ann. 1332. in Reg. 69. Chartoph. reg. ch. 175 :

Determinamus quod dicti tres proceres.... plenam potestatem habeant... eligendi tres probos et sufficientes homines, qui videbunt et diligentiam habebunt de ædificiis, hospitiis, Aquisversibus, parietibus, viis, etc.