ARATURA 1, Glossarium mediae et infimae latinitatis, Du Cange et al.

« 1 aratura » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 353b. http://ducange.enc.sorbonne.fr/ARATURA1

1. ARATURA, Aratio agri, quam Tenens Domino debet ex debito et stato servitio. Capitulare 5. ann. 803. cap. 17.

Ut liberi homines nullum obsequium Comitibus faciant, nec Vicariis, neque in prato, neque in messe, neque in Aratura, aut vinea, etc

. Monasticum Anglic. tom. 2. pag. 302 :

Sacrista sive Præfectus acciperet liberum censum, videlicet de qualibet acra 2. denarios : Celerarius habebat Araturas, et alia servitia, videlicet Araturam unius rodæ qualibet acra sine cibo.

Tabul. SS. Trinit. Cadom. fol 61 :

Debent unam acram Araturæ et herciaturæ et precarias.... si dederit filiam suam extra vilanagium dabit 3. sol. Abbatissæ et precariam Araturæ et herciaturæ.

Araturæ, Quævis operæ, corveiæ, vel servitia. Tabularium S. Remigii Remensis :

Wandefridus tenet mansum servilem 1. pro omni Aratura et servitio providet silvam, et nutrit.

Occurrit ibi non semel. Vide Arura.

P. Carpentier, 1766.

◊ Nostris olim Areure et Areux, pro Labourage et Laboureur. Glossar. Gall. Lat. ex Cod. reg. 7684 : Areux de terres, arator. Areure, Aratura.

« 2 aratura » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 353b. http://ducange.enc.sorbonne.fr/ARATURA2

2. ARATURA, Idem quod Aratrum, Quantum terræ uno aratro arari potest. Charta ann. 1379. tom. 6. Anecd. Pezii part. 3. pag. 63. col. 1 :

Nec non ad dotationem ipsius fundationis nostræ usque ad centum sexagenas grossorum Pragensium,... nec non quatuor Araturarum et sufficientiam nemorum seu silvarum, etc.

Vide supra Aratio.