ARCHIEPERARE. Joannes Sarisberiensis Epist. 159 :

Quoniam hoc indicto census, et Ecclesiarum vexatio in Cancellarium ejus, qui nunc aut Archieperatur, ut credo, aut Archieperari contendit, ut æmuli mentiuntur, penitus retorquenda est.

Et Epist. 176 :

Qui primus in Anglia scindi Ecclesiæ unitatem, quod omnes noverunt, et Archieperandi, quod plurimum suspicantur, ambitione tractus, totius hujus discordiæ fomes in primis extitit et inventor.

Voces depravatæ : scriptum forte fuit in Cod. MS. Archierare, vel archirevare, ex Gr. ἀρχιερεῖν, vel ἀρχιερεύειν, Archiepiscopare, de qua voce infra. f. ἀρχιεπέρομαι, Archicancellarii nomine affari.