ARQUESIA, pro Arqueria, r mutato in s, ut sæpe fit, Fenestricula oblongior et strictior in urbium et castrorum muris, per quam sagittas in obsidentes emittebant, Gall. Creneau, olim Archiere. Stat. ann. 1357. inter Probat. tom. 2. Hist. Nem. pag. 194. col. 1 :

Item est faciendum alatam supra murum barbaccanæ,... et ejus Arquesiæ, quæ nunc sunt, reparentur ; et fiat murus fortis qui claudat, a janua barbaccanæ usque ad turrim, apperturam, cum Arquesiis.

Vide Archeria 1.