« »
 
[]« 1 arrestum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 404c. http://ducange.enc.sorbonne.fr/ARRESTUM1
1. ARRESTUM, Manus injectio in aliquem seu in illius bona, Gall. Arrest, Saisie. Leges Mechlinienses tit. 6. art. 7 :
Quod si non obtemperet, reumque sinat in sua jurisdictione versari, nec eum [] ad promissa luenda compellat, litem istam alienam suam faciet, licebitque jam inde judici, qui rei traductionem postulavit, omnes incolas ejus regionis, unde reus postulatus est, per sequestrationem, sive, ut vulgo vocant, Arrestum detinere, usque dum reus judicio sistatur, vel promissioni satis fecerit.
P. Carpentier, 1766.
◊ Nostris olim Arrie. Charta ann. 1314. in Cod. Reg. 10196. 2. 2. fol. 82. r° :
Avoient fait pluiseurs prises, pluiseurs Arries et pluiseurs enfraintures en justichant ès villes, ès maisons, et ou terroir desdis religieus... Tort avons eu de faire les prises, les Arries et les enfraintures dessusdittes.
◊ Vide Haltausii Glossar. German. voce Haft, col. 771. ibidem col. 773. Arrestatorius voce Haftig.
les Bénédictins de St. Maur, 1733–1736.
Arrestum Computi, Rationum confectio, Gall. Arresté d'un Compte. Litteræ Humberti II. ann. 1334. tom. 2. Hist. Dalphin. pag. 266 :
Deferant et assignent totam pecuniam, in qua per eorum computum factum nobis debitores sunt inventi, si a nobis Arresta Computorum suorum habere voluerint, alioquin.... nullum Arrestum de debitis præteritis se sentiant habituros.
les Bénédictins de St. Maur, 1733–1736.
Arrestum Curiæ. Vide Arestum 1.
les Bénédictins de St. Maur, 1733–1736.
Arrestum Trium Dierum,
videlicet quod omnes navigantes stent per tres dies ante villam
Valentiæ, ut habetur in
Declaratione pedagiorum quæ levantur supra Rhodanum
anno 1445. Hist. Dalphin. tom. 1. pag. 89. In quo autem constiterit illud jus, amplius declaratur ibidem pag. 90. hisce verbis :
Item plus asserunt dicti de dicta villa Valentiæ habere quoddam aliud jus, seu tributum, vocatum Arrestum Trium Dierum : nam si naves ibidem applicent, pedagium dicti Dom. Episcopi, et etiam dictum sextaragium non recuperatur, donec et quousque ipsæ naves cum gentibus ipsarum steterint per spatium dictorum trium dierum in dicta villa, et nolunt ipsa jura recuperare, quousque compleverint Arrestum dictorum Trium Dierum.
Vide Stapula 1.
P. Carpentier, 1766.
Arresti Villa, In qua mercatoribus foraneis licet in emptores mercium suarum, seu in illorum bona manum injicere, quod arrestare dicebant, ob earumdem pretium non persolutum. Lit. Joan. reg. Franc. ann. 1351. tom. 3. Ordinat. pag. 248 :
Cum ex parte dilectorum nostrorum burgensium et habitatorum civitatis et villæ nostræ Bajocensis nobis cum instancia fuerit supplicatum, ut Arrestum in dicta villa concedere dignaremur, prout in villa nostra Cadomi, et in nonnullis aliis villis Bajocensis diocesis existit ; potissime cum mercatores, et alii pro mercaturis, et aliis bonis vendendis et emendis ad hujusmodi villas Arresti, confluentes, dictam civitatem Bajocensem frequentare non curent, ut dicitur, pro eo specialiter quod dudum oportuit pluries nonnullos mercatores solucionem bonorum suorum in dicta villa Bajocensi venditorum sub specie (leg. spe, ut habent Reg. 87. ch. 59. et 149. ch. 68.) solucionis suæ statim reportandæ, ut debebat, per processum ordinarium, non sine magnis laboribus, dampnis et expensis procurare, quia non erat eis licitum illic bona sua vendita, vel eorum emptores Arrestare.
Judicium ann. 1272. in Reg. Olim parlam. Paris. fol. 77 :
Non erat locus habilis ad habendum Arrestum, ut pote cum non esset ibi castrum, nec essent ibi nundinæ. Ville de loy et d'arrest,
in Stat. ann. 1404. tom. 9. earumd. Ordinat. pag. 62.
P. Carpentier, 1766.
Arrestum Frangere, Galli dicimus []Rompre son arrêt, Injussus abire. Charta ann. 1359. in Reg. Joan. comit. Pictav. fol. 168. r° :
Cum e carcere exiisset, et Arrestum in quo erat fregisset, seque extra fines regni in fugam constituisset.
© École des chartes.