ARRIVARE, Ad ripam trahere, in ripa navem exonerare, ripam tangere, a Gallico Rive. Inde et apud nautas Deriver a ripa navem subducere. Arrestum Parlamenti sub Philippo Franc. Rege pro Ecclesia S. Cornelii Compend. contra Majorem et Juratos :

Nituntur.... acustumare paagium injuste et de novo mercaturam villæ Compend. quas duci faciant per aquam Ysare, licet non Arriventur seu exhonerentur in terra ipsorum.

Gaspari Barthii Glossarium : Arrivare, Accedere, Gall. Arriver, quod verbum ducit originem a Rivus. Charta Johannæ Reginæ Castellæ pro Ferrando primogenito suo, tom. 4. Hist. Harcur. pag. 1654 :

Placuit facere portum in sua terra pro Arrivando seu recipiendo aut recolligendo omnimodas nices.

Legendum opinor naves, aut merces pro nices. Merces per abbreviationem sic scribitur m'ces, unde quam facile legi potuerit nices nemo est qui non videat. Vide Adripare.