ARSITIUM, f. Ædificium in modum arcis munitum, in quo annona et supellex quævis tempore belli recondebantur. Locus haud ita absimilis Arsenæ, quæ armamentarium sonat, Gall. Arsenal, ut supra dictum est. Aut fortassis Arsitium ab Ardere vel Arsura, quæ est auri conflatio, ut mox dicetur : qua ratione Arsitium posset esse locus seu officina, ubi moneta conflatur. Charta Theobaldi Comitis Blesensis ann. 1218. pro Monasterio de Burgo Medio ex Tabulario ejusdem loci fol. 100 :

Ædificabunt igitur Canonici murum juxta Arsitium meum ante Ecclesiam, quantum se extendit Arsitium in longum, ut eidem muro apothecas suas faciant adherere.