ATILIA. Lex de dediticiis lata est a L. Atilio trib. pl. ann. U. C. 544. M. Claudio Marcello IV. M. Valerio Lævino coss. Livius 26. 33. et 34. Alia fuit de tutoribus ab alio quodam Atilio lata, ut mulieribus pupillisve non habentibus tutorem, a prætore urbano, et majore parte tribunorum pleb. daretur, qui Atilianus tutor vocabatur. Hæc Romæ tantum locum habebat ; sed lege Julia, et Titia prospectum fuit, ut in provinciis quoque similiter a præsidibus tutor daretur.

Cajus Institut

. (edente Goeschenio) 1. n. 185. Ulp. in lib. regular. tit. 11. De tutel. §. 18. et Justinian. 1. Institut. tit. 20.