AYRIALE, Ayrialis, Locus vacuus et ædificio aptus. Charta ann. 1321 :

Quoddam Ayriale situm inter domum dicti Raimundi ex parte una, et domum Arnaldi Bernardi ex alia... Ayriale prædictum et domum, si quam in eodem ædifficare seu construere contigerit, etc.

Libert. Petræ assisiæ anno 1341. in Reg. 74. Chartoph. reg. ch. 647 :

Ayrialia, quæ dabuntur in dicta bastita venientibus ad eamdem causa habendi (habitandi) erunt amplitudinis quinque brachiatarum, et longitudinis xij. brachiatarum, et pro quolibet Ayriali solvetur pro censu anno quolibet quatuor denarii Tolos.

Charta ann. 1273. in Reg. Cam. Comput. Paris. sign. JJ. rub. fol. 52. r° :

Petrus et Amanevus retinuerunt sibi et suis heredibus in dicto podio duos Ayriales vel solos,.... francos et ab omni servitio quitos. Item donatores supradicti receperunt in feodum a ballivo dom. regis unum Ayriale sive solum in dicto podio ad faciendum furnum.

Vide supra Ayrale.