BALITRISCA, Baltricha, Baltrisca, Baltrischa, Castellum ligneum ad defensionem vel oppugnationem castri seu oppidi, vulgo Breteche. Guido de Vigevano MS. de Modo acquirendi et expugnandi T. S. :

Et postea fiat Balitrisca rotunda, quæ ponatur in capite ipsius perticæ.... Et in medio ipsius Baltrichæ in ipsis fundis fiat unum foramen rotundum, ut pertica possit intrare Baltriscam : et in capite perticæ ponantur duæ ruellæ, cum quibus trahatur Baltrisca, cum duabus cordis ligatis ad fundos Baltriscæ... Primo extendatur longe a turri vel muro castri pertica Baltrischæ, etc.

Vide Bretachiæ.