« »
 
[]« Barrati fratres » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 588b. http://ducange.enc.sorbonne.fr/BARRATI
BARRATI Fratres, dicti Carmelitæ, quod pallia ex albo et nigro alternatim distincta deferrent. Chronicon MS. Monspeliense sub ann. 1297 :
Feron [] fraires del Carme lur Capital general en Montpelier et muderon lur habits, quar portavan davan mantels Barrats de brun et de blanc, et preseron per habiz capas blancas.
Testamentum Thomæ Mercatoris ann. 1275. ex Archivo Fiscamnensi :
In primis lego ecclesiæ Fiscamnensi centum solidos... Barratis decem solidos, Crucesignatis 10. solidos.
Vide quæ in hanc rem congessit vir doctissimus Daniel Papebrochius tom. 1. SS. April. pag. 799.
P. Carpentier, 1766.
◊ Chron. abbat. Corbeiens. MS. ad ann. 1286. fol. 63. v° :
Quum fratres ordinis Carmelitarum deferrent habitum, qui minus convenire videbatur viris religiosis, scilicet capam circulatam largis virgis albis et griseis ; quem habitum asserebant fuisse Heliæ prophetæ,... Papa Honorius IV. propter honestatem mandavit habitum illum dimittere, et desuper cappas ex toto albas et tunicas subtus griseas cum scapularibus assumere.
Vide Birrati in Birrus. Eodem etiam nomine designati olim Cœlestini, quod tunica alba et cuculla nigra vestirentur. Inventar. Chart. reg. ann. 1482. fol. 91. v° :
Declaratio facta per regem, quod certa domus prope les Barrez seu Celestinos, denuo applicetur locationi lignorum regiis ædificiis necessariorum. De anno 1392.
Nisi ita appellatos malis a loco, ubi exstructum fuit illorum monasterium ; quod innuere videntur Lit. remiss. ann. 1360. in Reg. 90. Chartoph. reg. ch. 620 :
Oye l'umble supplication des pouvres religieux du couvent des Celestins n'a pas lonc temps fondez hors des murs de Paris ou lieu, que l'en dit les Barrez.
Occurrit rursum in aliis ann. 1362. ex Reg. 91. ch. 359.
© École des chartes.