BEDUSTA, Bidusta Terra, Ager incultus, a voce dialecti bononiensis Bdôst, qua significatur terra non proscissa, nec culta in segetem. Stat. Bonon. ann. 1250-67. tom. i. pag. 475 :

Quia fraus non committitur in illis qui venerunt Bononiam occasione citadancie faciende... et nullus remanet in villis nisi pauperes, qui non possunt solvere collectas nec facere publicas factiones... et terre hominum civitatis Bon. remanent Beduste, et non laborantur, statuimus, etc.

- Eadem. Stat. tom. iii. pag. 226 :

Suma sumarum omnium possessionum pontis novi de reno tam de terris aratoriis, quam Bidustis, et pratis et vineis capit et est viij^c. nonaginta tornaturarum, salvo herore calcoli.

Vox bdôst significat etiam interdum agrum novalem, id est aratro post cessationem renovatum, Gall. Jachère ; sed in locis, quos supra memoravimus, et in aliis eorundem Statutorum (Vide tom. ii. pag. 243 et 586) eadem vox semper notione supradicta usurpatur. fr.