« »
 
[]« Bensozia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 635a. http://ducange.enc.sorbonne.fr/BENSOZIA
BENSOZIA, Præstigiarum genus ; sed quæ sit illa Bensozia penitus ignoro. Statuta MSS. Augerii Episc. Conseran. : []
Nulla mulier se nocturnis equitare cum Diana Dea paganorum, vel cum Herodiate seu Bensozia, et innumeram mulierum multitudinem profiteatur.
Vide Diana.
P. Carpentier, 1766.
◊ Eadem habentur in Stat. synod. S. Flori MSS. fol. 60. ubi pro Bensozia legitur Bezezia. Fictum videtur esse nomen filiæ Herodiadis, quam una cum matre suis saltationibus præesse somniabant mulierculæ. Bensoziæ i. e. Bonæ sociæ nomen ominis avertendi causa inditum putat Grimmius Mythol. pag. 174 ; apud quem multa de hac superstitione. Decret. part. 2. c. 26. q. 5. cap. 12. § 1. ut ex Concil. Anquirensi :
Mulieres.... profitentur, se nocturnis horis cum Diana dea paganorum, vel cum Herodiade et innumera multitudine mulierum equitere super quasdam bestias, etc.
ubi correctores monent fere eadem haberi apud S. Augustinum in libro de Sp. et A. cap. 28. et in vita MS. Damasæ I. PP. Adde locos in voce Diana laudatos, Burchardi Decret. 10. 1. Reginon. de Discipl. Eccles. 2, 364. Rather. Veronens. in Præloquiis ap. Marten. et Dur. vol. 9. col. 798. in opp. ed. Ballerin. pag. 20. et 21. et Reinard. Vulp. libr. 1. vers. 1139. sqq. ubi Pharaildis dicitur Herodias, al. Pharahildis. An ex Fraw Hulda effictum nomen ?
© École des chartes.