BERILLUS, Conspicilium, Gallis Besicle, Belgis Brill. Fridegodus in Vita S. Wilfridi Episcopi Eborac. num. 46 :

Protinus admisso micuit syntagma Berillo.

Tabularium Monast. Longipontis in diœcesi Paris. :

Præscripti beneficii donum Deo et S. Mariæ, ejusque Ecclesiæ, cum quodam frusto Berilli concessit, atque illud prior Henricus ex ejus manu accepit.

Joan. Buschius in Chronic. Windesem. lib. 2. cap. 42 :

Non per unum solum, sed per duos simul, aut per Berillum duplicem in communi legere consueverat.

In Onomastico rustico Paracelsi :

Berillus, speculum cristallinum consecratum.

Ibid. :

Berillistica, est ars ipsa visiones in Berillis et cristallis videndi.