BERTHESCA, Species podii, ab antiquo Gallico Bretesche, quod primum significat castella lignea, quibus oppida muniebantur, ut dicetur infra in Bretachiæ ; deinde locum in foris prominentem, unde denuntiationes edictave publica promulgabantur. Origo vocis ex Menagio Italic. Bertesca, Repagulum, quod ante fores palatiorum solet exstrui. Enumeratio jurium Abbatis et Castellani Corbeiens. ex Cod. MS. ejusdem Monast. n. 125 :

In rectis vicis qui de porta ad portam transeunt, si fiat fenestra vel Berthesca, vel avantsolier de novo, partem suam habet (Castellanus) ; in aliis vicis qui orbi dicuntur, nihil habet, sed totum est Abbatis.

Butellerius in summa Rurali lib. 1. tit. 3. pag. 13 :

Et si c'estoit à adjourner une Communauté, peu advient, il faudroit que ce fust fait à Bretesche.

Charondas in hunc locum :

Bretesche, terme ancien qui se trouve en quelques vielles Chroniques et Coustumes, et mesme de Flandre, signifie le lieu publique ou se font les cris, publications et proclamations de justice.

Et in caput 5. lib. 3. magni Coustumarii pag. 332. antiquæ edit. addit his posterioribus verbis :

d'où vient le mot, Bretequer.

Vide Bretachiæ.