1. BETA, Pellis lanata. Gloss. S. Bened. cap. de Vestimentis : Pellis lanata, Βαίτη. Glossæ Regiæ MSS. : Βαίτα, Pellicea. Gloss. Græc. Lat. : Ἀρναϰίς, τὸ προϐάτειον δέρμα, Pellis lanata. Zacharias Calliergus in Schol. ad Theocr. Id. 5 :

Βαίταν λέγουσι τὰ ἐϰ ϰωδίων συνεῤῥαμένα περιβόλαια.

Ubi βαίταν, τήν διφθέραν, τὴν σισύραν interpretatur. Tabularium S. Martini de Campis :

Agnina pellicia, et nocturnales, qui vulgo Betæ dicuntur.

Hodie etiamnum Betas vocant Bellovacenses, cuculliones nigri coloris, quibus caput in mortuorum obsequiis viri operiunt ; de quo more agit Gregorius Turon. de Vitis Patrum cap. 6 :

Similiter et viri obtecto capite, ut in exequiis uxorum mos est.

Vide Nocturnales.