« »
 
[]« Bicheria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 652b. http://ducange.enc.sorbonne.fr/BICHERIA
BICHERIA. Chartæ Philippi Augusti Regis Franc. ann. 1185. et 1186. in Tabulario Compendiensi :
Concedimus Communiæ præposituram nostram Compendii, teloneum, concambium, furnum, Bicheriam, duas areas molendinarias, etc.
Ubi alias Bichria semel ac iterum scribitur. Eadem Charta descripta manu Andr. Duchesnii Biheriam præfert. Bicheriam legere qui nuper eam nobis descripserunt. Quidam hanc vocem pro Camba i. e. Officina, ubi cerevisia conficitur, usurpari volunt : quod nobis est verisimile.
P. Carpentier, 1766.
Bichenata, Tantum terræ, quantum ad seminandum unum bichetum sufficit. Charta feud. Castil. ann. 1463 :
Super quatuordecim Bichenatis terræ [] franchis et sine taillia, quæ debent xv. den. de servitio, etc.
P. Carpentier, 1766.
◊ Chartam Phil. Aug. ita emendare mihi licuit ex Chartul. ipso fol. 67. v°. col. 1 :
Bicheriam Venetæ (vicus est prope Compendium) duas arcas molendinarias ad pontem Compendii.
Quod interpretari haud difficile est ex alia Ch. Ludov. VII. ann. 1179. in eod. Chartul. fol. 67. r°. col. 2. ubi legitur, Charetum Venetæ ; est ergo Bicheria idem quod Carretum, Vecturæ scilicet onus, quod carro vel biga vassalli Venetæ debebant. Vide Carreda.
© École des chartes.