BICHOCHA, Bicoca, Bicocha, Academicis Cruscanis :

Bicocca, Piccola rocca o castello in cima di monti,

Lat. Castellum rupibus inditum ; iis vero quæ sequuntur, magis convenit interpretatio Academ. Hispan. in Diction. Bicoca, Specula, vigilis cellula, nostris Guérite. Stat. Pallav. lib. 2. cap. 66. pag. 126 :

Ordinatum est, quod nulla persona audeat nec præsumat accipere nec exportare scalas seu de scalis positis et deputatis ad Bichochas, vel ad turres castri Buxeti.

Stat. Vercel. lib. 7. pag. 153. r°. :

Inantea non teneantur ad onera custodiæ aliarum Bichocharum, quæ fiunt per districtum Vercellarum.

Sed et pro aquarum ductu, ex tabulis ligneis compacto, accipi videtur, in Stat. Montis-reg. pag. 204 :

Item statutum est, quod aliqua persona non audeat vel præsumat capere aliquod alienum banchum, causa..... faciendi Bicocham,.... et qui.... Bichocham, seu aliud simile de alieno bancho fecerit, etc.

Stat. Taurin. ann. 1360. cap. 153. ex Cod. reg. 4622. A. :

Nullus de cetero audeat vel præsumat deviare vel deviari facere, per se vel per alium, aquam bealeræ, cloachæ decurrentem in ficha seu Bicoca magnæ Duriæ.